Kalki 2898 AD | పాన్ ఇండియా స్టార్ ప్రభాస్ (Prabhas) ప్రధాన పాత్రలో నటించిన తాజా చిత్రం ‘కల్కి’ (Kalki 2898 AD) ఈ సినిమాకు ఎవడే సుబ్రహ్మణ్యం, మహానటి చిత్రాల ఫేమ్ నాగ్ అశ్విన్ దర్శకత్వం వహించాడు. భారీ అంచనాల నడుమ గురువారం ఈ సినిమా ప్రేక్షకుల ముందుకు వచ్చింది. ఈ సినిమాకు అంతటా పాజిటివ్ రెస్పాన్స్ రావడంతో భారీ ఓపెనింగ్స్ రాబడుతున్నది. దీంతో ప్రభాస్ ఫ్యాన్స్తో పాటు ప్రేక్షకులు సైతం ఈ సినిమా చూసేందుకు బారులుతీరున్నారు. అయితే ఈ సినిమాలో టాలీవుడ్ స్టార్ హీరో విజయ్ దేవరకొండతో పాటు దుల్కర్ సల్మాన్ ఉన్నట్లు మేకర్స్ ప్రకటించిన విషయం తెలిసిందే. ఇక విజయ్ ఉన్నాడు అన్నప్పటి నుంచి రౌడీ ఫ్యాన్స్ విజయ్ ఏ పాత్రలో నటించబోతున్నాడు అని వెయ్యి కండ్లతో ఎదురుచూశారు. అయితే నేడు కల్కి ప్రేక్షకుల ముందుకు రాగా.. విజయ్ ఏ పాత్రలో నటించాడో తెలిసిపోయింది.
ఈ సినిమాలో విజయ్ దేవరకొండ అర్జునుడి పాత్రలో కనిపించాడు. సినిమాలో విజయ్కు సంబంధించిన సీన్స్ సోషల్ మీడియాలో తెగ వైరల్ అవుతోంది. అశ్వత్థామపై(అమితాబ్) యుద్ధం చేస్తున్న సమయంలో సంభాషణ చెబుతూ విజయ్ కనిపించగా.. ఇది చూసిన సినీ ప్రియులు విజయ్ లుక్, డైలాగ్ డెలివరీ అదిరిపోయిందని తెగ ప్రశంసిస్తున్నారు. మరోవైపు దుల్కర్ సల్మాన్ ప్రభాస్ను చిన్నప్పుడు కాపాడి పెంచిన ఓ యోధుడి పాత్రలో కనిపించాడు. ఇంకా టాలీవుడ్ దిగ్గజ దర్శకులు రాజమౌళి, రామ్ గోపాల్వర్మ కూడా అతిథి పాత్రల్లో మెరిశారు.
ఇవి కూడా చదవండి..