దిగ్గజ సినీ గీతరచయిత పద్మశ్రీ స్వర్గీయ సిరివెన్నెల సీతారామశాస్త్రికి నివాళిగా రూపొందిన కార్యక్రమం ‘నా ఉచ్ఛాసం కవనం’. శృతిలయ ఫౌండేషన్ ఆధ్వర్యంలో నిర్వహిస్తున్న ఈ కార్యక్రమం ఓ ప్రముఖ టీవీ ఛానల్లో ప్రతి ఆదివారం ఉదయం 9.30 నిమిషాలకు ప్రసారం కానుంది. ఈ సందర్భంగా ప్రోగ్రాం కర్టన్రైజర్ ఈవెంట్ని హైదరాబాద్లో నిర్వహించారు. శృతిలయ ఫౌండేషన్ ఎగ్జిక్యూటివ్ ప్రొడ్యూసర్ శ్రీరామ్ చెరువు మాట్లాడుతూ ‘సిరివెన్నెలగారి దగ్గరకు ఎవరెళ్లినా ముందు తన పాట ఒకటి పాడి వినిపిస్తుండేవారు. ఓసారి మేం వెళ్లాం. మాకు కొన్ని పాటలు వినిపించారు.
అవి హిట్ సాంగ్స్ కావు. కానీ సాహిత్యపరంగా ఎంతో విలువైన పాటలు. ఆ పాటలు, అవి రాయడానికి శాస్త్రిగారు చేసిన కృషి తెలుసుకున్న తర్వాత, ఆ విషయాలు అందరికీ తెలియజేయాలనే ఆలోచన కలిగింది. అలా మొదలైందే ‘సిరివెన్నెల అంతరంగం’ కార్యక్రమం. అప్పట్లో ఆ కార్యక్రమాన్ని మూడు ఎపిసోడ్స్గా చేద్దాం అనుకున్నాం. 13 ఎపిసోడ్స్ అయ్యింది. వాటికి బహుళ ప్రచారంలోకి తెద్దామనుకుంటే సిరివెన్నెలగారు ఆసక్తి చూపలేదు. ఆ తర్వాత కొన్ని రోజులకే ఆయన పరమపదించారు.
త్రివిక్రమ్ శ్రీనివాస్ సహకారంతో ఇప్పుడు ఆ కార్యక్రమాన్ని జనంలోకి తెస్తున్నాం. దానికి రూపమే ‘నా ఉచ్ఛాసం కవనం’.’ అని తెలిపారు. ఏ సినిమా మొదలుపెట్టినా పాటలకోసం సిరివెన్నెలగారినే కలిసేవాడ్ననీ, ఆయన లేకపోవడంవల్ల అనాథగా మారిన భావన కలుగుతుందని దర్శకుడు కృష్ణవంశీ భావోద్వేగానికి లోనయ్యారు. ఇంకా సిరివెన్నెల సోదరుడు శ్రీరామశాస్త్రి, గాయకుడు పార్థసారథి, డాక్టర్ గురవారెడ్డి, జర్నలిస్ట్ ప్రభు కూడా మాట్లాడారు.