Janhvi Kapoor | అంబానీ ఇంట పెళ్లివేడుకలో బంగారంలా మెరిసిపోయింది జాన్వీకపూర్. అక్కడ అందరి దృష్టీ ఈ అందాలభామ పైనే. బంగారు రంగు డ్రెస్లో జాన్వీని చూసిన వారంతా కళ్లు తిప్పుకోలేకపోయారట. ఇదిలావుంటే.. ఇటీవల ముంబాయ్లోని ఓ ప్రైవేటు కార్యక్రమంలో పాల్గొన్న జాన్వీ.. ఓ నేషనల్ మీడియాకు ఇచ్చిన ఇంటర్వ్యూలో టాలీవుడ్ గురించి ఆసక్తికరంగా మాట్లాడింది. “దేవర-1’ టాలీవుడ్లో నా తొలి సినిమా. అమ్మమ్మ తెలుగు. అమ్మ ఎక్కువ సినిమాలు చేసింది కూడా తెలుగులోనే. అందుకే.. కొత్తగా ఏం అనిపించలేదు. అప్పుడప్పుడు అమ్మ చుట్టాలతో తెలుగులో మాట్లాడుతుంటే చూసేదాన్ని. అందుకే తెలుగులో డైలాగులు చెప్పడం కష్టం అనిపించలేదు.
సెట్లో అందరూ నన్ను ప్రత్యేకంగా చూడటం.. వయసులో చిన్నదాన్ని అయినా గౌరవించడం.. ఇవన్నీ మొదట్లో కాస్త ఇబ్బంది అనిపించింది. తర్వాత అర్థమైంది.. అదంతా అమ్మ ప్రభావం అని. తెలుగువాళ్లు అమ్మను ఎంత గౌరవిస్తారో, ఎంత ఆరాధిస్తారో సెట్లో నాకిస్తున్న గౌరవం చెప్పకనే చెబుతోంది. తెలుగులో తారక్ నా తొలి హీరో కావడం నిజంగా ఆనందంగా ఉంది. తను గొప్ప నటుడు. అందుకే ఒళ్లు దగ్గర పెట్టుకొని చేస్తున్నా. రామ్చరణ్ సినిమా ఇంకా మొదలవ్వలేదు. తనతో నటించేరోజు కోసం ఎదురుచూస్తున్నా. టాలీవుడ్లో మంచి అవకాశాలొస్తే వదులుకోను. ఎందుకంటే అది నా మదర్ ఇండస్ట్రీ.’ అని ఆనందం వెలిబుచ్చింది జాన్వీకపూర్.