Nayanthara | నయనతార కెరీర్ని మలుపుతిప్పిన సంవత్సరం 2005. ఎందుకంటే ఆ ఏడాది రెండు బ్లాక్బాస్టర్లు ఆమెకు దక్కాయి. అందులో మొదటిది ‘చంద్రముఖి’ కాగా.. రెండోది ‘గజనీ’. ఈ రెండు సినిమాల్లో నయనతార సెకండ్ హీరోయినే కావడం గమనార్హం. అయితే.. ఆమెకు గుర్తింపు తెచ్చింది మాత్రం ఈ రెండు సినిమాలే. ఆడియన్స్ అభిప్రాయం కూడా ఇదే.. కానీ నయన్ అభిప్రాయం మాత్రం అందుకు భిన్నంగా ఉంది. ఇటీవల ఓ ఇంటర్వ్యూలో నయన్ మాట్లాడుతూ ‘నా కెరీర్లో చెత్త సెలక్షన్ అంటే ‘గజనీ’ సినిమానే చెబుతా.
ఇప్పటికీ ఆ సినిమా ఎందుకు చేశానా అని బాధపడుతుంటా. చెప్పింది వేరు.. తీసింది వేరు. అప్పట్లో ఆ విషయాన్ని పెద్దగా పట్టించుకోలేదు. అయితే.. అదొక పాఠంగా తీసుకొని తర్వాత నుంచి జాగ్రత్త పడుతున్నాను’ అని చెప్పింది. అయితే.. నయన్ మాటలతో కొందరైతే ఏకీభవించడంలేదు. అసలు తనకి పేరు తెచ్చిందే ‘గజనీ’ సినిమా. ఆ సినిమా గురించి నయన్ అలా మాట్లాడటం తగదని కొందరు అభిప్రాయపడుతున్నారు.