Pushpa-2 | ‘పుష్ప-2’ విడుదల తేదీ దగ్గర పడుతున్న నేపథ్యంలో ప్రమోషన్స్లో మేకర్స్ వేగం పెంచారు. తాజాగా విడుదలైన ‘సూసేకి అగ్గిరవ్వ మాదిరి ఉంటాడే నా సామి’ సాంగ్ ప్రేక్షకులను ఓ స్థాయిలో ఆకట్టుకుంటున్నది. ఇప్పటికే ‘పుష్పరాజ్’గా రెండుమూడు స్టిల్స్ బన్నీవి విడుదల చేశారు. అలాగే, రష్మిక లుక్స్ కూడా రెండు మూడు విడుదల చేశారు. ఇక ‘పుష్ప పుష్ప పుష్పరాజ్..’ పాట అయితే.. రెండు తెలుగురాష్ర్టాల్లో మోత మోగిపోతున్నది.
ఇదిలావుంటే ఈ సినిమాకు సంబంధించిన తాజా అప్డేట్ ఒకటి వినిపిస్తున్నది. అది ‘పుష్ప-2’ ఇంటర్వెల్ గురించి. భారీ యాక్షన్ సీక్వెన్స్గా ఈ ఇంటర్వెల్ సీన్ని ప్లాన్ చేశారట దర్శకుడు సుకుమార్. ఈ ఫైట్లో వేటపై పడి విరుచుకుతినే సింహంలా కనిపిస్తారట అల్లు అర్జున్. ఈ యాక్షన్ సీక్వెన్స్ సినిమాకే హైలైట్ కానున్నది సమాచారం. మైత్రీమూవీమేకర్స్ నిర్మిస్తున్న ఈ చిత్రానికి దేవిశ్రీ ప్రసాద్ స్వరాలందిస్తున్న విషయం తెలిసిందే. ఆగస్ట్ 15న ఈ సినిమా విడుదల కానుంది.