Kamal Haasan | ‘చిన్నప్పుడు అందరం బొమ్మలాట ఆడే ఉంటాం. పిల్లలందరం కలిసి ఏదో వంట వండినట్టుగా, వడ్డిస్తున్నట్టుగా, తింటున్నట్టుగా నటించే ఉంటాం. ‘ఇదిగో నీకోసం వండాను తిను..’ అంటే మనం ఏమీ లేకపోయినా తిన్నట్టు నటిస్తాం. ‘కల్కీ 2898ఏడీ’ సినిమా అలాంటిదే. ప్రేక్షకుల్ని అలా మాయ చేస్తుంది. అందర్నీ ఆ మాయలో పడేసినవాడే నాగ్అశ్విన్.. ఒకప్పుడు సింగీతం శ్రీనివాసరావు ఇలాగే ఉండేవారు.’ అన్నారు మహానటుడు కమల్హాసన్. ‘కల్కి 2898ఏడీ’లో ఆయన యాస్కిన్గా అతి క్రూరమైన పాత్ర పోషించిన విషయం తెలిసిందే. ఈ సినిమా వెయ్యికోట్లకు పైగా వసూళ్లను రాబట్టి, విజయవంతంగా ప్రదర్శితమవుతున్న సందర్భంగా ఈ సినిమా బృందం తమ అనుభవాలు పంచుకుంటున్నది.
ఈ సందర్భంగా కమల్హాసన్ మాట్లాడారు. ‘ఈ సినిమాకొస్తున్న ఆదరణ చూస్తుంటే చాలా ఆనందంగా ఉంది. ఇలాంటి సక్సెస్లు ప్రభాస్కు రొటీన్గా మారాయి. అతను నటించిన చాలా చిత్రాలు వెయ్యికోట్ల క్లబ్లో చేరాయి. నాకు మాత్రం ఈ సినిమా చాలా ప్రత్యేకం. ఇప్పటికే థియేటర్లో నాలుగుసార్లు చూశా. యాస్కిన్ పాత్ర కోసం ఆ గెటప్ చూసి, ముందు ఇబ్బందిగా అనిపించినా, తర్వాత ఉత్సాహం పెరిగింది. ఈ ఒక్కపాత్ర మేకప్కోసం లాస్ ఎంజిల్స్ వెళ్లాం. పార్ట్-2లో యాస్కిన్ పాత్ర ఇంకా ఎక్కువ ఉంటుంది’ అన్నారు కమల్హాసన్.