The Legend Movie On OTT | గతేడాది తమిళంతో పాటు సౌత్ ఇండియా మొత్తం సెన్సేషన్ అయిన సినిమా ‘ది లెజెండ్’. శరవణన్ స్టోర్స్ అధినేత అరుళ్ శరవణన్ 53ఏళ్లకు హీరోగా అవతారమెత్తి ఈ సినిమా చేశాడు. రిలీజ్కు ముందు చేసిన హడావిడితో సినిమాపై మంచి బజ్ యే ఏర్పడింది. తీరా రిలీజయ్యాక డివైడ్ టాక్ తెచ్చుకుని భారీ పరాజయం సాధించింది. అంతేకాకుండా అరుళ్పై విపరీతమైన ట్రోలింగ్ జరిగింది. దాదాపు రూ.60 కోట్లతో తెరకెక్కిన ఈ సినిమా కనీసం అందులో పావువంతు కలెక్షన్లు కూడా సాధించలేకపోయింది. కాగా ఈ సినిమా డిజిటల్ స్ట్రీమింగ్ కోసం ఓటీటీ ప్రియులు ఎంతగానో ఎదురు చూస్తున్నారు. సినిమా విడుదలై నెలలు గడుస్తున్నా అటు టీవీల్లోగానీ, ఇటు ఓటీటీలో గానీ రావడం లేదు.
కాగా తాజాగా ఈ సినిమాకు ఓటీటీ మోక్షం దక్కింది. దాదాపు ఏడు నెలల తర్వాత ఈ సినిమా డిజిటల్లోకి వచ్చింది. ప్రముఖ ఓటీటీ సంస్థ హాట్స్టార్ ఈ సినిమాలో శుక్రవారం నుండి స్ట్రీమింగ్ అవుతుంది. యాక్షన్ డ్రామా నేపథ్యంలో తెరకెక్కిన ఈ సినిమాకు జేడీ అండ్ జెర్రీ దర్శకత్వం వహించారు. అరుళ్కు జోడీగా ఊర్వశీ రౌటెల్లా, లక్ష్మీరాయ్ నటించారు. ఇక ఈ సినిమాను స్వీయ నిర్మాణంలో అరుళ్ రూపొందించాడు. ఇక ప్రస్తుతం అరుళ్ మరో సినిమాను తెరకెక్కించే ప్లాన్ ఉన్నాడని టాక్. అది కూడా పాన్ ఇండియా స్థాయిలోనే రూపొందనుందట.