వాస్తవ సంఘటనల ఆధారంగా రూపొందిన చిత్రం ‘ది బర్త్డే బాయ్’. రవికృష్ణ, సమీర్ మళ్లా, రాజీవ్ కనకాల, ప్రమోదిని, వాకా మని, రాజా అశోక్, వెంకటేశ్, సాయిఅరుణ్, రాహుల్ ప్రధానపాత్రధారులు. విస్కీ దర్శకుడు. ఐ.భరత్ నిర్మాత. శుక్రవారం విడుదలైన ఈ సినిమా మంచి స్పందన వస్తోందని, మౌత్టాక్తో, క్రిటిక్స్ అభినందనలతో సినిమా ముందుకు దూసుకుపోతున్నది మేకర్స్ తెలిపారు.
ఈ సందర్భంగా శనివారం థాంక్స్ మీట్ ఏర్పాటు చేశారు. చిన్న సినిమాలకు పెద్ద విజయాన్ని ఇచ్చిన ప్రేక్షకులకు కృతజ్ఞతలని, సాంకేతికంగా అందరికీ నచ్చే సినిమా ఇదని నిర్మాత తెలిపారు. ఇదొక కాన్సెప్ట్ ఫిల్మ్ అని, నిజాయితీగా తీశామని, దానికి ప్రతిఫలమే ఇదని దర్శకుడు చెప్పారు. ఇంకా చిత్ర యూనిట్ సభ్యులందరూ మాట్లాడారు.