Thalapathy Vijay | ఇండియన్ ఫిలిం ఇండస్ట్రీలో సూపర్ ఫ్యాన్ బేస్ సంపాదించుకున్న కోలీవుడ్ స్టార్ హీరోల్లో టాప్లో ఉంటాడు దళపతి విజయ్ (Thalapathy Vijay). ఈ స్టార్ యాక్టర్ కాంపౌండ్ నుంచి సినిమా వస్తుందంటే అంచనాలు భారీగానే ఉంటాయి. పక్కా ప్రొఫెషనల్గా ఉండే విజయ్ ప్రస్తుతం రెండు సినిమాలను లైన్లో పెట్టాడని తెలిసిందే. కాగా సినిమా షూటింగ్తో బిజీగా ఉండే విజయ్ విరామం తీసుకొని అమ్మానాన్న దగ్గరకు వెళ్లాడు. అమ్మానాన్న విలువైన సమయాన్ని గడిపాడు.
తల్లిదండ్రులతో విజయ్ దిగిన ఫొటో ఇప్పుడు నెట్టింట ట్రెండింగ్ అవుతోంది. విజయ్ ఇలా అమ్మానాన్నను కలవడం వెనుక ఏదైనా సీక్రెట్ ఉందా..? అంటూ చాలా రోజుల తర్వాత ఫ్యామిలీ స్టిల్ చూసిన అభిమానులు తెగ చర్చించుకుంటున్నారు. విజయ్ నటిస్తోన్న చిత్రాల్లో ఒకటి దళపతి 68గా వస్తోన్న The Greatest Of All Time. వెంకట్ ప్రభు దర్శకత్వం వహిస్తున్నాడు.
ఇప్పటికే లాంఛ్ చేసిన ఈ మూవీ టైటిల్ పోస్టర్, లుక్ నెట్టింట వైరల్ అవుతున్నాయి. The GOAT స్టిల్స్లో విజయ్ ఓ వైపు ఓల్డ్ మ్యాన్గా, మరోవైపు యంగ్ లుక్లో కనిపిస్తూ సినిమాపై క్యూరియాసిటీ పెంచుతున్నాడు.
మరోవైపు హెచ్ వినోథ్ (H Vinoth) దర్శకత్వంలో దళపతి 69 (Thalapathy 69)లో నటిస్తున్నాడు. విజయ్ ఈ సినిమాతో తన సినీ ప్రయాణానికి గుడ్ బై చెప్పి.. రాజకీయాలపై పూర్తి ఫోకస్ పెట్టబోతున్నాడు. ఈ ఏడాది ఫిబ్రవరి 2న Tamilaga Vetri Kazham పార్టీకి ప్రకటించాడని తెలిసిందే. 2026 అసెంబ్లీ ఎన్నికల్లో తన పార్టీ పోటీలో ఉండబోతున్నట్టు కూడా ప్రకటించేశాడు.
#ThalapathyVijay with his Parents 🫶❤️ pic.twitter.com/pvk5WIsZ0B
— AmuthaBharathi (@CinemaWithAB) May 27, 2024