దర్శకుడిగా, నటుడిగా సత్తా చాటుతున్నాడు తరుణ్భాస్కర్. ఆయన హీరోగా ఎస్ ఒరిజినల్స్, మూవీ వెర్స్ సంస్థలు ఓ చిత్రాన్ని రూపొందిస్తున్నాయి. ఏఆర్ సంజీవ్ దర్శకుడిగా పరిచయమవుతున్నాడు. ఈషా రెబ్బా కథానాయికగా నటిస్తున్నది. ఈ సినిమా షూటింగ్ పూర్తయింది.
ప్రస్తుతం నిర్మాణానంతర కార్యక్రమాలు జరుగుతున్నాయి. వినూత్న కథాంశంతో తెరకెక్కిస్తున్న రొమాంటిక్ ఎంటర్టైనర్ ఇదని, తరుణ్భాస్కర్ పాత్ర కొత్త పంథాలో ఉంటుందని మేకర్స్ తెలిపారు. బ్రహ్మాజీ, శివన్నారాయణ, గోపరాజు విజయ్ తదితరులు నటిస్తున్న ఈ చిత్రానికి సంగీతం: జయ్క్రిష్, నిర్మాతలు: సృజన్ యరబోలు, వివేక్ కృష్ణాని, సాధిక్, దర్శకత్వం: సంజీవ్ ఏ ఆర్.