Kanguva | తమిళ అగ్రనటుడు సూర్య నటిస్తున్న పాన్ఇండియా సినిమా ‘కంగువ’ అక్టోబర్ 10న దసరా కానుకగా విడుదల కానుంది. ప్రమోషన్లో భాగంగా ఈ సినిమాకు సంబంధించిన మ్యూజిక్ ప్రమోషన్స్ని మేకర్స్ ప్రారంభించారు. మంగళవారం సూర్య పుట్టినరోజు సందర్భంగా ఈ సినిమాలోని తొలిపాటను మేకర్స్ విడుదల చేశారు. శ్రీమణి రాసిన ఈ పాటను, దేవిశ్రీప్రసాద్ స్వరపరచగా, అనురాగ్ కులకర్ణి ఆలపించారు. ‘ఆది జ్వాల.. అనంత జ్వాల.. వైర జ్వాల.. వీర జ్వాల.. దైవ జ్వాల.. దావాగ్ని జ్వాల..’ అంటూ సాగే ఈ పాటలో సూర్య యుద్ధ వీరుడిగా కనిపిస్తున్నారు.
దర్శకుడు శివ ఈ సినిమాను పీరియాడిక్ యాక్షన్ డ్రామాగా తెరకెక్కిస్తున్న విషయం తెలిసిందే. కేఈ జ్ఞానవేల్రాజా, వంశీ, ప్రమోద్ నిర్మిస్తున్న ఈ చిత్రాన్ని మైత్రీమూవీ డిస్ట్రిబ్యూషన్వారు తెలుగులో భారీగా విడుదల చేస్తున్నారు. దిశా పటాని కథానాయికగా నటిస్తున్న ఈ చిత్రంలో బాబీ డియోల్ కీలక పాత్ర పోషిస్తున్నారు. యోగిబాబు ప్రత్యే పాత్ర పోషిస్తున్నారు. ఇదిలావుంటే.. సూర్య 44వ పుట్టినరోజు సందర్భంగా ఆయన తాజా సినిమా ప్రకటన మంగళవారం వెలువడింది. కార్తీక్ సుబ్బరాజు దర్శకత్వం వహించనున్న ఈ సినిమాను సూర్య, జ్యోతిక నిర్మిస్తున్నారు. ఈ సినిమాకు సంబంధించిన గ్లింప్స్ను విడుదల చేశారు. ఇందులో సూర్య గ్యాంగ్స్టర్గా కనిపించనున్నట్టు గ్లింప్స్ చెబుతున్నది. పూజా హెగ్డే ఇందులో కథానాయిక.