Janaka Aithe Ganaka Teaser | టాలీవుడ్ కుర్ర హీరో సుహాస్ ఫుల్ ఫామ్లో దూసుకుపోతున్నాడు. ఈ ఏడాది ఇప్పటికే అంబాజీపేట మ్యారేజ్ బ్యాండ్, ప్రసన్న వదనం, శ్రీరంగ నీతులు, అంటూ ప్రేక్షకుల ముందుకు వచ్చి విజయాలను అందుకున్న ఈ యువ నటుడు ఇప్పుడు మళ్లీ ఒక కొత్త స్టోరీతో ప్రేక్షకుల ముందుకు వస్తున్నాడు. సుహాస్ కథానాయకుడిగా రూపొందుతోన్న తాజా చిత్రం ‘జనక అయితే గనక’(Janaka Aithe Ganaka). ఈ సినిమాకు సందీప్రెడ్డి బండ్ల దర్శకత్వం వహిస్తుండగా.. బలగం, లవ్మీ వంటి విభిన్న తరహా సినిమాల తర్వాత దిల్రాజు ప్రొడక్షన్స్ పతాకంపై హర్షిత్రెడ్డి, హన్షిత నిర్మిస్తున్నారు.
ఇటీవల ఈ సినిమా ఫస్ట్ లుక్ విడుదల చేయగా ప్రేక్షకులను ఆకట్టుకుంది. ఇదిలావుంటే తాజాగా మూవీ నుంచి మేకర్స్ టీజర్ విడుదల చేశారు. ఆ ఒక్క డెసిషన్ నా లైఫ్ను మార్చేసింది. అంటూ టీజర్ మొదలైంది. నేను ఒకవేళ తండ్రిని అయితే నా వైఫ్ను సిటీలో ఉన్న బెస్ట్ ఆస్పత్రిలో చూపించాలి. నా పిల్లలను బెస్ట్ స్కూల్లో చదివించాలి, బెస్ట్ కాలేజిలో చదివించాలి. వాళ్లకి బెస్ట్ లైఫ్ ఇవ్వాలి. బెస్ట్ ఇవ్వలేనప్పుడు పిల్లలను కనకుడదు అంటూ టీజర్ సాగింది. ఇక టీజర్ చూస్తే.. ఎల్కేజీ, యూకేజీలకే లక్షలు వసూలు చేస్తున్న ఈ కాలంలో ఒక మిడిల్ క్లాస్ యువకుడు తనకు పిల్లలు పుడితే వారిని ఎలా పెంచాలి, ఎలా చదివించాలి అనే కాన్సెప్ట్తో ఈ సినిమా రాబోతున్నట్లు తెలుస్తుంది. ఫ్యామిలీ ఎంటర్టైనర్గా రాబోతున్న ఈ సినిమా విడుదల తేదీని త్వరలోనే ప్రకటించనున్నట్లు చిత్రబృందం ప్రకటించింది. సుహాస్తో పాటు, సంగీత్, వేన్నెల కిషోర్, రాజేంద్ర ప్రసాద్ తదితరులు ఈ సినిమాలో కీలక పాత్రలు పోషిస్తున్నారు.