సుధీర్బాబు కథానాయకుడిగా నటిస్తున్న తాజా చిత్రం ‘మామా మశ్చీంద్ర’. హర్షవర్ధన్ దర్శకుడు. మృణాళిని రవి, ఈషా రెబ్బా కథానాయికలు. యాక్షన్ థ్రిల్లర్గా తెరకెక్కిస్తున్న ఈ చిత్రంలో సుధీర్బాబు త్రిపాత్రాభినయం చేస్తున్నారు. మ్యూజికల్ ప్రమోషన్స్లో భాగంగా ‘అడిగా అడిగా’ అనే పాటను విడుదల చేశారు. చైతన్ భరద్వాజ్ సంగీతాన్నందించిన ఈ పాటను చైతన్యప్రసాద్ రచించారు.
శ్రీనివాసన్ దొరైస్వామి ఆలపించారు. అమ్మ ప్రేమ గొప్పతనాన్ని, చిన్ననాటి జ్ఞాపకాలను గుర్తుచేస్తూ హృద్యంగా సాగిందీ గీతం. అక్టోబర్ 6న ఈ సినిమా విడుదలకానుంది. ఈ చిత్రానికి కెమెరా: పీజీ విందా, సంగీతం: చైతన్ భరద్వాజ్, ఆర్ట్: రాజీవ్, నిర్మాతలు: సునీల్ నారంగ్, పుస్కూర్ రామ్మోహన్ రావు, రచన-దర్శకత్వం: హర్షవర్దన్.