Sree Vishnu | టాలీవుడ్ హీరో శ్రీ విష్ణు ప్రధాన పాత్రలో నటిస్తున్న తాజా చిత్రం స్వాగ్(Swag). పీపుల్ మీడియా ఫ్యాక్టరీ అధినేత టీజీ విశ్వ ప్రసాద్ ఈ సినిమాకు నిర్మాతగా వ్యవహారిస్తుండగా.. ఈ సినిమాకు హసిత్ గోలి దర్శకత్వం వహించబోతున్నాడు. వివేక్ సాగర్ సంగీతం అందిస్తుండగా.. వేద రామన్ శంకరన్ సినిమాటోగ్రఫర్ గా వ్యవహరిస్తున్నారు. ఇక ఈ చిత్రంలో పెళ్లి చూపులు ఫేమ్ రీతూ వర్మ కథానాయికగా నటిస్తుండగా.. మలయాళ సీనియర్ నటి మీరా జాస్మిన్ కీలక పాత్రల్లో మెరవనుంది.
జూలై మొదటి వారంలో ఈ సినిమాను ప్రేక్షకుల ముందుకు తీసుకురానున్నారు. ఇక విడుదల తేదీ దగ్గరపడుతుండటంతో మూవీ ప్రమోషన్స్ షురూ చేసిన విషయం తెలిసిందే. ఇప్పటికే గ్లింప్స్ను విడుదల చేయగా.. ప్రేక్షకులను విపరీతంగా ఆకట్టుకుంది. అయితే ఈ మూవీలో శ్రీవిష్ణు పాత్రకు సంబంధించి ఒక సాలిడ్ రూమర్ నెట్టింట చకర్లు కొడుతుంది.
ఈ మూవీలో శ్రీవిష్ణు 14 గెటప్స్ లో కనిపించనున్నాడట. అందులో ట్రాన్స్ జెండర్ పాత్ర కూడా ఒకటి ఉందని సమాచారం. దీనికి సంబంధించి మేకర్స్ ఎటువంటి క్లారిటీ ఇవ్వలేదు. మరోవైపు ఓమ్ భీమ్ బుష్లో కూడా శ్రీవిష్ణు గే పాత్రలో ఉన్న అమ్మాయిని లవ్ చేసే ప్రేమికుడిగా కనిపించాడు. ఇక ప్రస్తుతం శరవేగంగా షూటింగ్ జరుపుంటున్న స్వాగ్ సినిమా త్వరలోనే రిలీజ్ కు రెడీ అవుతుంది. మరి ఈ సినిమాతో శ్రీవిష్ణు ఎలాంటి విజయాన్ని అందుకుంటాడో చూడాలి.