Sonu Sood | కొవిడ్ లాక్డౌన్ సమయంలో సేవా కార్యక్రమాల ద్వారా అందరి మన్ననలు అందుకున్నారు నటుడు సోనూసూద్. నిస్వార్థ సేవాగుణంతో దేశవ్యాప్తంగా ఎందరో అభిమానులను సంపాదించుకున్నారు. తాజాగా ఓ అజ్ఞాత అభిమాని సోనూసూద్కు సర్ప్రైజ్ నిచ్చారు. ఇటీవల సోనూసూద్ తన ఫ్యామిలీ మెంబర్స్తో కలిసి ముంబయిలోని ఓ రెస్టారెంట్కి వెళ్లాడు. భోజనానంతరం బిల్లు కోసం సిబ్బందిని కోరగా… మొత్తం ఫుడ్ బిల్లును ఎవరో అజ్ఞాత వ్యక్తి చెల్లించి వెళ్లాడని చెప్పారు.
ఈ సంఘటనతో సోనూసూద్ ఒక్కసారిగా ఆశ్చర్యపోయారు. బిల్లు కట్టిన సదరు అభిమాని ‘దేశం కోసం మీరు చేస్తున్న మంచి పనులకు నా తరపున చిన్న కృతజ్ఞత ఇది’ అంటూ ఓ నోట్ను రాసి వెళ్లాడు. ఈ విషయాన్ని సోనూసూద్ తన ఇన్స్టా ఖాతా ద్వారా వెల్లడించారు. ‘ఈ పని ఎవరు చేశారో తెలియదు కానీ..తను నా హృదయాన్ని గెలుచుకున్నాడు’ అంటూ సోనూ ఇన్స్టాలో పేర్కొన్నారు. ఈ పోస్ట్ సోషల్ మీడియాలో వైరల్గా మారింది.