HomeCinemaShruti Hassan Cinema Industry 15 Years Complete
Shruti Hassan | విజయ్ సినిమాలో శ్రుతిహాసన్.. నటించలేదండి బాబూ!
శ్రుతిహాసన్ హీరోయిన్గా 15ఏండ్లు పూర్తి చేసుకుంది. ఆమె కథానాయికగా నటించిన తొలి సినిమా ‘లక్' విడుదలై సరిగ్గా 15 ఏండ్లయింది.
Shruti Hassan | శ్రుతిహాసన్ హీరోయిన్గా 15ఏండ్లు పూర్తి చేసుకుంది. ఆమె కథానాయికగా నటించిన తొలి సినిమా ‘లక్’ విడుదలై సరిగ్గా 15 ఏండ్లయింది. స్టార్కిడ్గా ఇండస్ట్రీలోకి ఎంట్రీ ఇచ్చినా.. నిలదొక్కుకోవడానికి శ్రుతిహాసన్ చేసిన శ్రమ సాధారణమైనదికాదు. ప్రస్తుతం ఆమె చేతిలో నాలుగైదు సినిమాలున్నాయి. ఇదిలావుంటే విజయ్ ‘GOAT’ సినిమాలో శ్రుతిహాసన్ భాగం అయ్యింది.
ఇందులో మీనాక్షి చౌదరి కథానాయికగా నటిస్తున్న విషయం తెలిసిందే. మరి శ్రుతిహాసన్ పాత్ర ఏంటి? అనుకుంటున్నారా! ఇందులో శ్రుతి నటించలేదు. ఈ సినిమాకోసం ఓ పాటను పాడింది. సంగీత దర్శకుడు యువన్శంకర్రాజా ఆమెతో ఈ సినిమాలో ఓ పాటను పాడించారు.
మరో పదిరోజుల్లో ఈ పాటను విడుదల చేయనున్నట్టు చిత్ర యూనిట్ ప్రకటించింది. తండ్రి కమల్హాసన్ మాదిరిగానే శ్రుతిహాసన్ కూడా బహుముఖ ప్రజ్ఞాశాలి. ఓ వైపు నటిగా, మరోవైపు గాయనిగా క్షణం తీరిక లేకుండా గడుపుతున్నది శ్రుతిహాసన్. రీసెంట్గా దర్శకుడు లోకేష్ కనకరాజ్తో కలిసి కూడా ఓ పాట పాడిందామె. ఆ పాటకు మంచి స్పందన వస్తున్నది.