‘దిల్’రాజు ఈ పేరు తెలుగు ప్రేక్షకులందరికి సుపరిచితమైన పేరు. నవ్యమైన కథలతో ఎంతో మంది కొత్త దర్శకులను పరిచయం చేసిన ఘనత ఆయనది. పంపిణీదారుడిగా కెరీర్ను మొదలుపెట్టి నిర్మాతగా అంచలంచెలుగా ఎదిగి తెలుగు సినీ పరిశ్రమ నిర్మాతల్లో తనకంటూ ఓ గుర్తింపును సంపాందించుకున్నాడు. దిల్, ఆర్య, భధ్ర, బొమ్మరిల్లు, కొత్త బంగారులోకం, బలగం వంటి మరపురాని సినిమాలు ఆయన సంస్థ నుంచి వచ్చినవే. శ్రీ వెంకటేశ్వర క్రియేషన్స్పై ఇప్పటి వరకు 50 సినిమాలకు పైగా నిర్మించి. ఎందరో కొత్త నిర్మాతలకు ఆదర్శప్రాయుడిగాన నిలిచిన దిల్ రాజు అలియాస్ వెంకట రమణారెడ్డి ఒకప్పుడు ఫెయిల్యూర్స్ను చూసి భయపడి ఆర్థికంగా నష్టపోయి సినీ పరిశ్రమ నుండి తప్పుకుందామనుకున్నాడట ఈ విషయాన్ని ఆయన ఓ సందర్భంగా తెలియజేశాడు.
ఒకప్పుడు ఆటోమైబైల్ బిజినెస్లో వున్న సినిమా అంటే ప్రేమతో సినిమా వ్యాపారంలోకి వద్దామనుకున్నా మా కజిన్ మహేందర్ రెడ్డితో కలిసి బిజినెస్ చేద్దాం అనుకుని మొదలుపెట్టాను. ఐదు సినిమాలు పంపిణీచేశాం. అందులో నాలుగు సినిమా ఫెయిల్ అయ్యాయి. ఇక సినిమా రంగం నుంచి తప్పుకుందాము అనుకున్న సమయంలో నటుడు కాస్ట్యూమ్ కృష్ణ ఫోన్ చేసి కన్నడంలో ఓ సూపర్హిట్ సినిమా వుంది చూస్తావా అన్నారు. మనసు అయిష్టంగానే మరో సారి అదృష్టం పరీక్షించుకుందామని సినిమా చూశాను. నాకు తెగ నచ్చేసింది. అన్నయ్యలకు విషయం చెబితే రిస్క్ అవసరమా అన్నారు. నా మిత్రులు శిరీష్, లక్ష్మణ్లకు చెబితే ఓకే కలిసి చేద్దాం అన్నారు. అంతా ఫర్ఫెక్ట్గా ప్లాన్ చేసుకున్నాం.
ఈ సారి అటు ఇటు అయితే ఇక దుకాణం మూయాల్సిందే అనుకున్నాం. జగపతిబాబు, రాశిలతో ఆ సినిమాను తెలుగులో రీమేక్ చేశారు. కోడి రామకృష్ణ దర్శకుడు. ఈ చిత్రాన్ని తెలుగులో పంపిణీ హక్కులు తీసుకున్నాం. ఆఖరికి సినిమా విడుదలైంది. టెన్షన్ పడ్డాం.. సాయంత్రానికి సినిమాకి సూపర్హిట్ టాక్ వచ్చేసింది. అప్పటి వరకు పడ్డ కష్టాలన్నీ తొలగిపోయిన ఫీలింగ్ కలిగింది. అపజయాలు అన్నీ మరిచిపోయాను. ఇక తరువాత 1999లో శ్రీ వెంకటేశ్వర ఫిలింస్ పేరిట సినిమా పంపిణీ సంస్థని ప్రారంభించాం. ఇక అప్పటి నుండి ఇప్పటి వరకు సక్సెస్ఫుల్ పంపిణీదారుడిగా, నిర్మాతగా కొనసాగుతున్నాను’ అని చెప్పుకొచ్చారు దిల్ రాజు.
Read Also :
Pushpa 2 The Rule | అల్లు అర్జున్ పుష్ప ది రూల్ మళ్లీ వాయిదా..? ఏంటీ కారణమిదేనా.. !
Chiranjeevi | పారిస్ వీధుల్లో చిరంజీవి ఫ్యామిలీ ఇలా..
Allu Arjun | అల్లు అర్జున్ తొలిజీతం ఎంతో తెలుసా?