శేఖర్ కమ్ముల దర్శకత్వంలో వరుణ్తేజ్, సాయిపల్లవి జంటగా నటించిన ‘ఫిదా’ చిత్రం చక్కటి ఫ్యామిలీ ఎంటర్టైనర్గా మెప్పించింది. తెలంగాణ గ్రామీణ నేపథ్యంలో నేటివిటీకి పట్టం కడుతూ అందరిని ఆకట్టుకుంది. వరుణ్తేజ్ కెరీర్లోనే ఉత్తమ చిత్రంగా నిలిచిపోయింది. తాజాగా ఈ కాంబినేషన్ మరోమారు రిపీట్ కానుందని సమాచారం.
ప్రస్తుతం శేఖర్ కమ్ముల ‘కుబేర’, వరుణ్తేజ్ ‘మట్కా’ చిత్రాలతో బిజీగా ఉన్నారు. ఈ రెండు ప్రాజెక్ట్లు పూర్తయిన వెంటనే వీరి కాంబినేషన్లో సినిమా పట్టాలెక్కనుందని తెలుస్తున్నది. వరుణ్తేజ్ను దృష్టిలో పెట్టుకొని శేఖర్ కమ్ముల ‘ఫిదా’ తరహాలోనే క్లీన్ ఫ్యామిలీ ఎంటర్టైనర్ కథను సిద్ధం చేశారని, కథ బాగా నచ్చడంతో వరుణ్తేజ్ ఈ ప్రాజెక్ట్కు వెంటనే ఓకే చెప్పారని అంటున్నారు. ఓ ప్రముఖ నిర్మాణ సంస్థ ఈ చిత్రాన్ని తెరకెక్కించనుందని సమాచారం.