Samantha | ‘కెమెరా ముందు నేను నిల్చున్న చోటే.. ప్రపంచంలో నాకు బాగా ఇష్టమైన చోటు’ అంటున్నది అగ్ర కథానాయిక సమంత. వచ్చే నెల నుంచి సామ్ సినిమాలతో బిజీ కానున్నారు. ఈ సందర్భంగా పాల్గొన్న ఓ ఇంటర్వ్యూలో తనకు సంబంధించిన ఆసక్తికరమైన విషయాలు వెల్లడించింది సమంత.
‘నేను మునుపటికంటే స్ట్రాంగ్గా ఉన్నాను. నా జీవనశైలిని మార్చుకోవడం వల్లే ఈ మార్పు సాధ్యమైంది. మనలోని బలహీనతల్ని ఎలాగైనా అధిగమించాలని అందరం అనుకుంటాం. కానీ చంచలమైన మన మనసు వాటిని అధిగమించనివ్వదు. దానికి కళ్లెం వేయాలంటే ఆధ్యాత్మికతకు మించిన దారిలేదు. గత మూడేళ్లలో ఎదురైన సమస్యలవల్ల మానసికంగా కృంగిపోయిన నన్ను ఆధ్యాత్మిక మార్గమే మనిషిని చేసింది. ఇప్పుడు నేను మానసికంగా కూడా బలంగా ఉన్నా.’ అని చెప్పుకొచ్చింది సమంత.
తను నటించబోయే కొత్త సినిమా గురించి చెబుతూ ‘ఇందులోని పాత్రలో చాలా షేడ్స్ ఉంటాయి. అందుకే ప్రత్యేక శిక్షణ తీసుకుంటున్నా. హార్స్ రైడింగ్, అర్చరీ వంటివి అభ్యసిస్తున్నా. సినీరంగంలో స్త్రీలు ఎలాంటి పాత్రనైనా చేయగలరని నిరూపించడమే నాలక్ష్యం. మూస ధోరణికి స్వస్తిపలికి నటిగా వినూత్న మార్గంలో వెళ్లాలని కోరుకుంటున్నా.’ అని తెలిపింది సమంత.