‘ఏ మాయ చేశావె’ సినిమాతో టాలీవుడ్లో ఎంట్రీ ఇచ్చి స్టార్ హీరోయిన్గా ఎదిగింది సమంత. తెలుగుతోపాటు పలు భాషల సినిమాల్లో నటిస్తూ మంచి నటిగా గుర్తింపు తెచ్చుకున్నది. వరుస సినిమాలు చేస్తున్నప్పుడే అక్కినేని నాగచైతన్యను ప్రేమించి పెండ్లి చేసుకున్నది. పలు కారణాలతో విడాకులు తీసుకుంది కూడా. ఆ తర్వాత అనుకోకుండా సమంత.. మయోసైటిస్ బారిన పడ్డది. కొంతకాలం విరామం తీసుకుని విదేశాలకు వెళ్లి చికిత్స చేయించుకున్నది.
మయోసైటిస్ నుంచి కోలుకున్న అనంతరం ‘సిటాడెల్’ సిరీస్లో నటించింది సామ్. అయితే, తెలుగులో ఈ బ్యూటీకి అవకాశాలు రావడం లేదని సినీ వర్గాల్లో వార్తలు వస్తున్నాయి. నాగచైతన్యతో విడాకులు తీసుకున్న అనంతరం సమంతకు టాలీవుడ్లో అవకాశాలు దక్కడం లేదని, అందుకే తెలుగు సినిమాల్లో ఆమె నటించడం లేదని అభిమానులు భావిస్తున్నారు. కాగా, మయోసైటిస్కు చికిత్స తీసుకునేందుకు సంవత్సరంపాటు సినిమాలకు దూరంగా ఉన్నది సామ్. ఈ సమయంలో ఇండస్ట్రీలోకి పలువురు కొత్త హీరోయిన్లు వచ్చారని, అందుకే ఆమెకు అవకాశాలు తగ్గాయని సినీ వర్గాల్లో టాక్ వినిపిస్తున్నది.
అల్లు అర్జున్, అట్లీ దర్శకత్వంలో తెరకెక్కబోయే సినిమాలో సామ్ హీరోయిన్గా నటించనుందని వార్తలు వచ్చినప్పటికీ అధికారిక ప్రకటన రాలేదు. ప్రస్తుతం సామ్.. సొంత బ్యానర్లో ఒక సినిమా చేస్తుండగా, మరో వెబ్ సిరీస్లో నటిస్తున్నది. కాగా, టాలీవుడ్లో స్టార్ హీరోల పక్కన నటించకూడదని నిర్ణయించుకున్నట్టు తెలుస్తున్నది. అంతేకాదు, బాలీవుడ్ హీరోలతో సినిమాలు చేయడంపైనే ఎక్కువగా ఫోకస్ చేసిందని టాక్.