Salaar Movie | బాహుబలి తర్వాత ‘సలార్’తో ( Salaar) ఆ రేంజ్లో బ్లాక్ బస్టర్ అందుకున్నాడు రెబల్స్టార్ ప్రభాస్. కేజీఎఫ్ ఫేం ప్రశాంత్ నీల్ దర్శకత్వంలో తెరకెక్కిన ఈ యాక్షన్ థ్రిల్లర్ మరోసారి డార్లింగ్ (Prabhas) స్టామీనాను ఇండస్ట్రీకి చాటిచెప్పింది. బాక్సాఫీస్ వద్ద ఏకంగా రూ.700 కోట్లకుపైగా వసూళ్లు సాధించింది. ప్రభాస్కు, ఆయన అభిమానులకు ఎన్నో తీపి జ్ఞాపకాలను అందించింది. అయితే ఈ సినిమాకు సీక్వెల్ రానున్న విషయం తెలిసిందే. మొదటి పార్ట్ సలార్: పార్ట్ 1 – సీజ్ ఫైర్ అంటూ రాగా.. సలార్: పార్ట్ 2-శౌర్యంగ పర్వం అంటూ రాబోతుంది. అయితే పార్ట్ 2 అనౌన్స్ చేశారు కానీ ఇప్పటివరకు అయితే సెట్స్ మీదకి వెళ్లలేదు. ఇక ఈ మూవీ షూటింగ్ ఎప్పుడు స్టార్ట్ అవుతుందా.. ఎప్పుడెప్పుడు చూద్దామా అని ఫ్యాన్స్ ఎదురు చూస్తున్నారు. ఈ క్రమంలోనే ఈ సినిమా షూటింగ్కు సంబంధించి ఓ వార్త నెట్టింట వైరల్ అవుతుంది.
సలార్ 2 షూటింగ్ ఆగష్టు 10 నుంచి హైదరాబాద్లో ప్రారంభం కానుందని.. దీనికోసం భారీ సెట్ వేస్తున్నట్లు మేకర్స్ తెలిపారు. మరోవైపు ప్రభాస్ లేకుండా వచ్చే సన్నివేశాలను ఇప్పటికే 20 శాతం మేకర్స్ పూర్తి చేసినట్లు తెలుస్తుంది. కాగా దీనిపై అధికారిక ప్రకటన రావాల్సి ఉంది. మరోవైపు ప్రభాస్ నటించిన రీసెంట్ బ్లాక్ బస్టర్ కల్కి 2898 ఏడీ గ్లోబల్ బాక్సాఫీస్ వద్ద అద్భుతాలు సృష్టిస్తుంది. ఇప్పటికే 600 కోట్లు వసూళ్లను రాబట్టిన ఈ చిత్రం త్వరలోనే రూ.1000 కోట్ల క్లబ్లో చేరనుంది.
ఇవి కూడా చదవండి..