Ravi Teja | రవితేజ కథానాయకుడిగా నటిస్తున్న తాజా చిత్రం ‘మిస్టర్ బచ్చన్’. హరీష్శంకర్ దర్శకుడు. ఆగస్ట్ 15న ప్రేక్షకుల ముందుకురానుంది. ఈ సినిమాలోని రెండో గీతం ‘రెప్పల్ డప్పుల్’ను ఈ నెల 25న విడుదల చేయబోతున్నారు. ఈ సందర్భంగా మంగళవారం పాటకు సంబంధించిన పోస్టర్ను రిలీజ్ చేశారు. ఇందులో ఆయన కలర్ఫుల్ ఫ్యాన్సీ కాస్ట్యూమ్స్లో కనిపిస్తున్నారు.
మిక్కీ జే మేయర్ స్వరపరచిన ఈ గీతం హుషారైన బీట్తో సంగీత ప్రియుల్ని ఆకట్టుకుంటుందని, రవితేజ డ్యాన్స్ ప్రత్యేకాకర్షణగా నిలుస్తుందని చిత్ర బృందం పేర్కొంది. ఈ సినిమాలో రవితేజ..అమితాబ్బచ్చన్ అభిమానిగా కనిపిస్తారని, మాస్ ఎంటర్టైనర్గా తెరకెక్కిస్తున్నామని మేకర్స్ తెలిపారు. భాగ్యశ్రీబోర్సే, జగపతిబాబు, సచిన్ ఖేడేకర్ తదితరులు నటిస్తున్న ఈ చిత్రానికి సంగీతం: మిక్కీ జే మేయర్, సహనిర్మాత: వివేక్ కూచిభొట్ల, రచన-దర్శకత్వం: హరీష్శంకర్.