అగ్ర కథానాయిక రష్మిక మందన్న చేతిలో ప్రస్తుతం ఆరు భారీ చిత్రాలున్నాయి. వరుస షూటింగ్స్తో బిజీగా ఉండటం వల్ల రిలాక్స్ కావడానికి ఈ భామకు ఏమాత్రం సమయం చిక్కడం లేదట. అయితే ఇటీవల కాస్త విరామం దొరకడంతో ఈ అమ్మడు ఇటలీలో వాలిపోయింది. అక్కడి అందమైన లొకేషన్లలో సేద తీరుతూ, ఇష్టమైన ఆహారాన్ని ఆస్వాదిస్తూ , పుస్తకాలను చదువుతూ ఉల్లాసంగా గడుపుతున్నది.
తన విహార యాత్ర ఫొటోలను ఇన్స్టాగ్రామ్ ఖాతా ద్వారా ఎప్పటికప్పుడు అభిమానులతో పంచుకుంటున్నది. బ్లాక్ అండ్ వైట్ థీమ్తో ఈ ఫొటోలను పోస్ట్ చేస్తుండటం విశేషం. నిత్యం కెమెరా వెలుగుల నడుమ అలసిపోయిన తనకు ఈ యాత్ర పునరుత్తేజాన్ని ఇస్తున్నదని రష్మిక మందన్న ఆనందం వ్యక్తం చేసింది.
గత ఏడాది ‘యానిమల్’ చిత్రంతో కెరీర్లోనే భారీ విజయాన్ని దక్కించుకున్న ఈ సొగసరి ప్రస్తుతం తెలుగు, తమిళ, హిందీ భాషల్లో ఆరు సినిమాల్లో నటిస్తున్నది. అందులో పుష్ప-2, కుబేర, సికందర్ (హిందీ) వంటి భారీ సినిమాలున్నాయి. ఈ ఏడాది కూడా తనకు తిరుగులేని విజయాలను అందిస్తుందన్న భరోసాతో ఉంది రష్మిక మందన్న.