బిగ్బాస్ ఫేమ్ అలీ రజా, సీతా నారాయణన్ జంటగా నటిస్తున్న చిత్రం ‘రామ్ ఎన్ఆర్ఐ’. ‘పవర్ ఆఫ్ ది రిలేషన్షిప్’ ఉపశీర్షిక. ఎన్.లక్ష్మీనందా దర్శకుడు. మువ్వా సత్యనారాయణ నిర్మాత. ఈ నెల 26న విడుదలకానుంది.
ఇటీవల ప్రీరిలీజ్ ఈవెంట్ను నిర్వహించారు. యువతకు స్ఫూర్తినిచ్చే అంశాలతో ఈ చిత్రాన్ని తెరకెక్కించామని, పుట్టి పెరిగిన ఊరికి ఓ ఎన్ఆర్ఐ ఎలాంటి సహాయం చేశాడన్నదే చిత్ర కథాంశమని దర్శకుడు తెలిపారు. సందేశంతో పాటు చక్కటి కామెడీ ఉంటుందని నిర్మాత పేర్కొన్నారు. ఈ కార్యక్రమంలో చిత్ర యూనిట్ సభ్యులందరూ పాల్గొన్నారు.