రామ్చరణ్ ‘గేమ్ఛేంజర్’ కోసం మెగా అభిమానులు ఆతృతగా ఎదురుచూస్తున్నారు. కొన్ని కారణాలవల్ల సినిమా ఆలస్యం అవుతుండటంతో అభిమానులు కాస్త నిరాశగా ఉన్నారు. అయితే.. వారందరికీ ఆనందాన్ని పంచే ఓ అప్డేట్ బయటకొచ్చింది. ‘గేమ్ ఛేంజర్’ షూటింగ్ 75శాతం పూర్తయిందని మేకర్స్ చెబుతున్నారు.
పాటలు, యాక్షన్ సన్నివేశాల చిత్రీకరణ మాత్రమే మిగిలివుందట. వాటిని పూర్తి చేసి సాధ్యమైనంత త్వరలో సినిమా విడుదల చేయాలని దర్శకుడు శంకర్, నిర్మాత దిల్రాజు నిర్ణయించుకున్నట్టు సమాచారం. మరో విషయం ఏంటంటే.. ఈ సినిమా డిజిటల్ హక్కులు 270కోట్లకు అమ్ముపోయాయని తెలుస్తున్నది. దీన్నిబట్టి ఈ సినిమా రేంజ్ ఏంటో అర్థంచేసుకోవచ్చు. కియారా అద్వాణీ ఇందులో కథానాయికగా నటిస్తున్న సంగతి తెలిసిందే.