గెటప్శ్రీను హీరోగా అరంగేట్రం చేస్తున్న చిత్రం ‘రాజు యాదవ్’. కె.కృష్ణమాచారి దర్శకుడు. కె.ప్రశాంత్రెడ్డి, రాజేశ్ కల్లెపల్లి నిర్మాతలు. ఈ నెల 24న సినిమా విడుదల కానుంది. ఏపీ, తెలంగాణలో ప్రముఖ నిర్మాత బన్నీ వాస్ ఈ చిత్రాన్ని విడుదల చేయనున్నట్టు నిర్మాతలు తెలియజేశారు.
ప్రేమ, కామెడీతోపాటు మనసుల్ని హత్తుకునే భావోద్వేగాలతో కూడిన కథతో రూపొందిన ఈ చిత్రం అందరికీ నచ్చుతుందని, హర్షవర్దన్ రామేశ్వర్ స్వరాలు ఇప్పటికే మంచి ఆదరణ పొందుతున్నాయని సినిమా కూడా మంచి విజయం సాధిస్తుందని మేకర్స్ నమ్మకం వెలిబుచ్చారు. అంకిత ఖరత్ కథానాయికగా నటిస్తున్న ఈ చిత్రంలో ఆనంద చక్రపాణి, రాకెట్ రాఘవ, మిర్చి హేమంత్ తదితరులు తారాగణం. ఈ చిత్రానికి కెమెరా: సాయిరామ్ ఉదయ్.