Rajinikanth | యంగ్ రెబల్ స్టార్ ప్రభాస్ హీరోగా దర్శకుడు నాగ్ అశ్విన్ తెరకెక్కించిన చిత్రం కల్కి 2898 ఏడీ మూవీ. ఈ చిత్రం బాక్సాఫీస్ వద్ద కాసుల వర్షం కురిపిస్తున్నది. ఇప్పటికే ఈ మూవీని చూసిన పలువురు సెలబ్రిటీలు స్పందించారు. ఈ మూవీ భారత సినిమాను మరో మెట్టు ఎక్కించిందంటూ ప్రశంసిస్తున్నారు. తాజాగా సూపర్స్టార్ రజనీకాంత్ సైతం చిత్ర బృందంపై ప్రశంసలు కురిపించారు. కల్కి మూవీని చూశానని రజనీకాంత్ తెలిపారు. సినిమా ఎంతో అద్భుతంగా ఉందంటూ అభినందించారు. భారతీయ చిత్రాన్ని డైరెక్టర్ నాగ్ అశ్విన్ మరో స్థాయికి తీసుకెళ్లారంటూ ప్రశంసలు కురిపించారు.
Watched Kalki. WOW! What an epic movie! Director @nagashwin7 has taken Indian Cinema to a different level. Hearty congratulations to my dear friend @AswiniDutt @SrBachchan @PrabhasRaju @ikamalhaasan @deepikapadukone and the team of #Kalki2898AD. Eagerly awaiting Part2.God Bless.
— Rajinikanth (@rajinikanth) June 29, 2024
చిత్రం భారీ హిట్ సాధించినందుకు బిగ్బీ అమితాబ్ బచ్చన్, హీరో ప్రభాస్, కమల్ హాసన్, హీరోయిన్ దీపికా పదుకొనేతో పాటు చిత్రబృందానికి రజనీ అభినందనలు తెలిపారు. అలాగే, సెకండ్ పార్ట్ కోసం ఆసక్తిగా ఎదురుచూస్తున్నానన్నారు. ఇదిలా ఉండగా.. కల్కీ 2898 ఏడీ సరికొత్త రికార్డులు సృష్టిస్తున్నది. ప్రీ బిజినెస్లో రాజమౌళి ‘ఆర్ఆర్ఆర్’ మూవీ రికార్డులు బద్దలుకొట్టింది. ఈ మూవీ తొలిరోజు దాదాపు రూ.191.9కోట్ల గ్రాస్ కలెక్షన్లను రాబట్టింది. వారాంతం కావడంతో రెండురోజులు కలెక్షన్ మరింత పెరిగే అవకాశం ఉంది. ఇదిలా ఉండగా.. కల్కీ పార్ట్-2 ఉండబోతుందని మూవీ క్లైమాక్స్లో వెల్లడించారు. పార్ట్-1 ఈ రేంజ్లో ఉంటే.. పార్ట్-2 మరో రేంజ్లో ఉంటుందని అంచనా వేస్తున్నారు.