పీపుల్స్స్టార్, అభ్యుదయ చిత్రాల రూపకర్త, దర్శక నిర్మాత ఆర్.నారాయణమూర్తి బుధవారం స్వల్ప అస్వస్థతకు లోనయ్యారు. ఆయన హైదరాబాద్ నిమ్స్ ఆసుపత్రిలో చేరి చికిత్స తీసుకుంటున్నారు. నిమ్స్ డైరెక్టర్ డాక్టర్ బీరప్ప ఆధ్వర్యంలో వైద్యులు ఆయన్ని పర్యవేక్షిస్తున్నారు. ఆయన క్రమంగా కోలుకుంటున్నారని వైద్యులు తెలిపారు. అనువజ్ఞులైన డాక్టర్ల బృందంతో ఆర్. నారాయణమూర్తికి మెరుగైన చికిత్స అందించాలని రాష్ట్ర వైద్య ఆరోగ్య శాఖ మంత్రి దామోదర రాజనర్సింహ నిమ్స్ డైరెక్టర్ను ఆదేశించారు. తన ఆరోగ్యం గురించి అభిమానులు ఎవరూ ఆందోళన చెందాల్సిన అవసరం లేదని, దేవుడి దయవల్ల బాగానే కోలుకుంటున్నానని, త్వరలో అన్ని విషయాలను వెల్లడిస్తానని ఆర్.నారాయణమూర్తి ఓ ప్రకటనలో పేర్కొన్నారు.