Pushpa Movie | ఐకాన్ స్టార్ అల్లుఅర్జున్ హీరోగా క్రియేటివ్ జీనియస్ సుకుమార్ దర్శకత్వంలో తెరకెక్కిన చిత్రం పుష్ప. గతేడాది డిసెంబర్17 న విడుదలైన ఈ చిత్రం బాక్సాఫీస్ దగ్గర వసూళ్ల సునామీని సృష్టించింది. ఓటీటీలో స్ట్రీమింగ్ అవుతున్న కూడా థియేటర్లలో ఈ చిత్ర కలెక్షన్ల జోరు తగ్గడంలేదు. రీసెంట్గానే పుష్ప హిందీలో 100కోట్ల నెట్ కలెక్షన్లను రాబట్టి బాలీవుడ్ హీరోలను సైతం ఆశ్చర్యంలో ముంచెత్తింది. పోటిగా స్పైడర్మ్యాన్ నోవే హోమ్, 83 వంటి సినిమాలున్న వాటిని మించిన కలెక్షన్లను రాబట్టింది. అయితే తాజాగా ఈ చిత్రం 50రోజులు పూర్తిచేసుకుంది. ఈ 50రోజుల్లో 365కోట్ల గ్రాస్ కలెక్షన్లను వసూలు చేసి 2021 ఇండియాలోనే హైయెస్ట్ గ్రాసర్ గా పుష్ప రికార్డు సృష్టించింది. ఈ చిత్రంతో అల్లుఅర్జున్కు ప్రపంచవ్యాప్తంగా మంచి క్రేజ్ వచ్చింది. బన్నీ తన యాక్టింగ్తో, మేనరిజంతో ప్రేక్షకులను విపరీతంగా ఆకట్టుకున్నాడు.
ఎర్ర చందనం స్మగ్లింగ్ నేపథ్యంలో తెరకెక్కిన ఈ చిత్రాన్ని మైత్రి మూవీ మేకర్స్, ముత్తంశెట్టి మీడియా బ్యానర్లపై నవీన్ యెర్నేని, వై.రవిశంకర్ ఈ చిత్రాన్ని నిర్మించారు. రష్మిక మందన్న హీరోయిన్గా నటించిన ఈ చిత్రానికి దేవి శ్రీ ప్రసాద్ సంగీతాన్ని అందించాడు. ఈ చిత్రం రెండవ భాగాన్ని ఈ ఏడాది ద్వితియార్థంలో విడుదలచేయాలని మేకర్స్ సన్నాహాలు చేస్తున్నారట.
#Pushpa – a ₹365 crores PAN India blockbuster 🔥 pic.twitter.com/Q9vb7kdxPC
— idlebrain jeevi (@idlebrainjeevi) February 4, 2022