Pushpa-2 | ‘పుష్ప’గా అల్లు అర్జున్, దర్శకుడు సుకుమార్ బాక్సాఫీస్ వద్ద చేసిన హంగామా అంతాఇంతాకాదు. ఇప్పుడు ఆ సినిమాకు కొనసాగింపుగా ‘పుష్ప-2’ రాబోతున్నది. ఈ సినిమాపై అంచనాలు ఆకాశమే హద్దు అనేలా ఉన్నాయి. ‘పుష్ప-2’ను ఆగస్ట్ 15న విడుదల చేయనున్నట్టు మేకర్స్ ప్రకటించిన విషయం తెలిసిందే.
అయితే.. షూటింగ్ పార్ట్తోపాటు, పోస్ట్ ప్రొడక్షన్ పనులు కూడా పూర్తి కాకపోవడంతో, క్వాలిటీ తగ్గకుండా.. అత్యున్నత సాంకేతిక విలువలతో ప్రేక్షకుల ముందుకు తీసుకురావాలనే సంకల్పంతో ‘పుష్ప-2’ విడుదలను డిసెంబర్ 6కి వాయిదా వేస్తున్నట్టు మేకర్స్ ప్రకటించారు. రష్మిక మందన్న కథానాయికగా నటిస్తున్న ఈ చిత్రంలో ఫహాద్ ఫాజిల్, ధనుంజయ్, సునీల్, అనసూయ భరద్వాజ్ ఇతర పాత్రధారులు. ఈ చిత్రానికి కెమెరా: మిరోస్లా క్యూబా బ్రోజెక్, సంగీతం: దేవిశ్రీ ప్రసాద్, నిర్మాతలు: నవీన్ ఏర్నేని, వై.రవిశంకర్.