కొంతకాలంగా సరైన బ్రేక్ కోసం ఎదురుచూస్తున్నాడు విష్ణు మంచు (Vishnu Manchu). చివరగా కాజల్తో కలిసి నటించిన మోసగాళ్లు బాక్సాపీస్ వద్ద డిజాస్టర్ టాక్ తెచ్చుకుంది. దీంతో ఎలాగైనా మంచి హిట్టందుకోవాలని కొత్త సినిమాతో రెడీ అవుతున్నాడు. ఇషాన్ సూర్య (Ishan Surya) డైరెక్షన్లో తెరకెక్కుతున్న ఈ ప్రాజెక్టులో గాలి నాగేశ్వర్ రావు పాత్రలో కనిపించబోతున్నాడు విష్ణు. ఇంకా టైటిల్ ఖరారుకాని ఈ చిత్రాన్ని ఏవీఏ ఎంటర్ టైన్ మెంట్ బ్యానర్పై తెరకెక్కిస్తుండగా..ఆర్ఎక్స్ 100 ఫేం పాయల్ రాజ్పుత్ (Payal Rajput)ఫీ మేల్ లీడ్ రోల్ పోషిస్తోంది.
కాగా ఈ సినిమాకు సంబంధించిన ఇంట్రెస్టింగ్ అప్డేట్ ఒకటి బయటకు వచ్చింది. హీరోహీరోయిన్లపై వచ్చే ఓ పాటకు ఇండియన్ మైఖేల్ జాక్సన్ ప్రభుదేవా (Prabhu Deva) కొరియోగ్రఫీ చేయబోతున్నాడని ఫిలింనగర్ సర్కిల్ సమాచారం. రామోజీఫిలింసిటీలో విష్ణు, పాయల్ పై వచ్చే ఈ స్పెషల్ సాంగ్ను చిత్రీకరిస్తుండగా..ప్రభుదేవా నృత్య రీతులు అందిస్తున్నాడట.
చాలా కాలం తర్వాత ప్రభుదేవా కొరియోగ్రాఫర్ గా టాలీవుడ్ రీఎంట్రీ ఇస్తున్న సినిమా ఇదే కావడం విశేషం. ఈ పాట సినిమాకు ప్రధాన హైలెట్గా నిలువనుందని చిత్రయూనిట్ చెబుతోంది. బాలీవుడ్ తార సన్నీలియోన్ ఈ చిత్రంలో కీ రోల్ పోషిస్తోంది. కోన వెంకట్ కథ, స్క్రీన్ ప్లే అందించడంతోపాటు క్రియేటివ్ ప్రొడ్యూసర్గా వ్యవహరిస్తున్నారు. అనూప్ రూబెన్స్ మ్యూజిక్ డైరెక్టర్ కాగా..చోటా కే నాయుడు సినిమాటోగ్రఫర్.