Kalki 2898 AD | ప్రభాస్ ‘కల్కి 2898ఏడీ’ సినిమా వెయ్యికోట్ల మైలురాయిని చేరుకుంది. టాలీవుడ్లో రూపొందిన పానిండియా సినిమాల్లో వెయ్యికోట్ల మైల్స్టోన్ని చేరుకున్న మూడో సినిమాగా ‘కల్కి 2898ఏడీ’ నిలిచింది. ‘బాహుబలి 2’ 18వందలకోట్ల పై చిలుకు వసూళ్లను సాధించి టాలీవుడ్ నంబర్వన్ మూవీగా నిలువగా, రాజమౌళి ‘ఆర్ఆర్ఆర్’ దాదాపు 12వందలకోట్ల వసూళ్లతో రెండో స్థానంలో నిలిచింది.
ఇప్పుడు ప్రభాస్ ‘కల్కి 2898ఏడీ’ మూడోవారానికే వెయ్యికోట్ల మైలురాయి చేరుకోవడమే కాక, ఇంకా విజయవంతంగా ప్రదర్శింపబడుతున్నదని మేకర్స్ ఆనందం వెలిబుచ్చారు. ప్రభాస్ కెరీర్లో వెయ్యికోట్ల మైలురాయి చేరుకున్న రెండో సినిమా ‘కల్కి 2898ఏడీ’. ఇప్పటికే పలు ప్రాంతాలో ఈ సినిమా నాన్ బాహుబలి రికార్డులన్నింటినీ తిరగరాసిందని మేకర్స్ చెబుతున్నారు.