Tollywood Directors Day | | సినీ ప్రేక్షకులకు గుడ్ న్యూస్. టాలీవుడ్ అగ్ర హీరోలు పాన్ ఇండియా స్టార్ ప్రభాస్, ఐకాన్ స్టార్ అల్లు అర్జున్ ఒకే వేదికపై సందడి చేయబోతున్నారు. టాలీవుడ్ దర్శక దిగ్గజం దాసరి నారాయణరావు జయంతిని పురస్కరించుకొని తెలుగు ఫిలిం డైరెక్టర్స్ అసోసియేషన్ (TFDA) ప్రతియేట డైరెక్టర్స్ డే సెలబ్రేషన్స్ (Directors Day) నిర్వహిస్తున్న విషయం తెలిసిందే. ఈ సంవత్సరం కూడా మే 04న ఈ వేడుకలను నిర్వహించాలని చూడగా.. అనుకోని కారణాల వల్ల మే 19కి వాయిదా పడింది.
అయితే ఈ వేడుకలకు ఇంకా మూడు రోజులే ఉండటంతో ఏర్పాట్లు అంగరంగ వైభవంగా జరుగుతున్నాయి. ఇప్పటికే ఈ వేడుకకు ముఖ్య అతిథిలుగా మెగాస్టార్ చిరంజీవితో పాటు, విక్టరీ వెంకటేష్, నాని పలువురు సినీ ప్రముఖులు హాజరుకానున్నారు. అయితే తాజాగా ఈ వేడుకకు సంబంధించి మరో సాలిడ్ న్యూస్ బయటకు వచ్చింది. ఈ వేడుకలో టాలీవుడ్ అగ్ర హీరోలు పాన్ ఇండియా స్టార్ ప్రభాస్, ఐకాన్ స్టార్ అల్లు అర్జున్లు హాజరుకానున్నట్లు తెలుగు ఫిలిం డైరెక్టర్స్ అసోసియేషన్ (TFDA) ప్రకటించింది. ఈ నెల 19న సాయంత్రం 6 గంటలకు హైదరాబాద్ ఎల్బీ స్టేడియంలో ఈ వేడుకలను నిర్వహించనున్నట్లు టీఏఫ్డీఏ ప్రకటించింది.