బాలీవుడ్ అగ్ర హీరో షారుఖ్ఖాన్ నటించిన ‘పఠాన్’ చిత్రం వచ్చే నెల 25న విడుదలకు సిద్ధమవుతున్న విషయం తెలిసిందే. ప్రస్తుతం ఈ సినిమా ప్రమోషన్లో బిజీగా ఉన్నారు షారుఖ్ఖాన్. ఈ సందర్భంగా ఇటీవల అభిమానులతో ముచ్చటించిన ఆయన ..‘పఠాన్’ చిత్రంలోని ‘బేషరమ్ రంగ్..’ పాటపై వచ్చిన వివాదం, ఆ తర్వాత సోషల్మీడియాలో ‘బాయ్కాట్ పఠాన్’ ట్రెండ్పై తన అభిప్రాయాల్ని వెల్లడించారు. ఈ క్రమంలో ఓ అభిమాని ఆయనను..‘ఒకవేళ మీరు హిందువు అయితే ఇలాంటి వివాదాల్లో చిక్కుకునే వారు కాదు కదా?’ అని అడిగారు. దీనిపై షారుఖ్ఖాన్ స్పందిస్తూ ‘కళాకారుడి మతాన్ని కాదు..అతనిలోని కళను ప్రేక్షకులు ఇష్టపడతారు. నేను ఏ మతంలో పుట్టినా, ఏ పేరు పెట్టుకొని ఉన్నా ఇదే రకమైన అభిమానాన్ని పొందేవాడిని’ అని సమాధానమిచ్చాడు.