Nayanthara | ప్రమోషన్లకు రాదు, స్టార్ హీరోలను కూడా లెక్కచేయదు అనే అభిప్రాయాలు నయనతారపై చాలామందిలో ఉన్నాయి. కానీ ఆమె మాత్రం కథ నచ్చితే చిన్న హీరోల పక్కన కూడా చేయడానికి వెనుకాడదు. ఇది నయనతారలోని ఇంకో యాంగిల్ అనొచ్చు. రీసెంట్గా నయన్ ఓ సినిమా ఒప్పుకుంది. ఈ సినిమాకు హీరో కెవిన్రాజ్. తమిళ బిగ్బాస్తో ఇతను లైమ్లైట్లోకొచ్చాడు.
ఈ సినిమాను నయన్ భర్త విఘ్నేశ్ నిర్మించనున్నాడట. విష్ణు ఇడవన్ ఈ సినిమాతో దర్శకుడిగా పరిచయం కానున్నాడు. ఇందులో నయన్ పాత్ర గురించి ఆసక్తికరమైన విషయాలు వెలుగుచూస్తున్నాయి. కథ రీత్యా ఇందులో నయన్ హీరోకంటే వయసులో పెద్ద అట. కానీ.. చిన్నవాడైన హీరోను లవ్ చేస్తుందట. ఈ కథ నచ్చే నయన్ చేయడానికి ఒప్పుకుందని తెలుస్తోంది. ఏదేమైనా తాను హీరోగా నటిస్తున్న సినిమాలో నయనతార వంటి సూపర్స్టార్ హీరోయిన్ కావడంతో కెవిన్రాజ్ ఆనందానికి పట్టపగ్గాల్లేవట.