అగ్ర కథానాయిక రష్మిక మందన్న తారాపథంలో దూసుకుపోతున్నది. ప్రస్తుతం ఈ భామ అరడజనుకుపైగా సినిమాల్లో నటిస్తూ బిజీగా ఉంది. మరోవైపు పలువురు అగ్ర దర్శకనిర్మాతలు తమ సినిమాల్లో రష్మికనే కథానాయికగా తీసుకోవాలని ప్రయత్నాలు చేస్తున్నారు. ఈ నేపథ్యంలో రష్మిక మందన్న డేట్స్ కావాలంటే మరో రెండేళ్లు వేచి చూడాల్సిందేనని తెలుగు సినీ సర్కిల్స్లో వినిపిస్తున్నది.
తెలుగుతో పాటు తమిళం, హిందీ భాషల్లో పలు ప్రతిష్టాత్మక చిత్రాలు రష్మిక చేతిలో ఉన్నాయి. ఇవన్నీ పూర్తి కావడానికి రెండేళ్లు పడుతుందని, ఆ తర్వాతే కొత్త సినిమాలు అంగీకరించే పరిస్థితి ఉందని ఆమె సన్నిహితులు చెబుతున్నారు. ప్రస్తుతం రష్మిక మందన్న తెలుగులో పుష్ప-2, కుబేర, గాళ్ఫ్రెండ్, రెయిన్బో చిత్రాల్లో నటిస్తున్నది.
మరోవైపు హిందీలో సల్మాన్ఖాన్-మురుగదాస్ కాంబోలో తెరకెక్కుతున్న చిత్రంలో ఆమెనే కథానాయికగా ఎంచుకున్నారు. మరోవైపు ఎన్టీఆర్-ప్రశాంత్నీల్ చిత్రంలో రష్మికనే నాయికగా తీసుకున్నారని ప్రచారం జరుగుతున్నది. ఒకవేళ ‘పుష్ప-3’ వెంటనే పట్టాలెక్కితే ఆ సినిమా కోసం కూడా కాల్షీట్స్ కేటాయించాల్సి ఉంటుంది. ఈ నేపథ్యంలో మరో రెండేళ్ల వరకు రష్మిక డేట్స్ కష్టమని ట్రేడ్ వర్గాలు అంచనా వేస్తున్నాయి.