‘దసరా’ ‘హాయ్ నాన్న’ చిత్రాలతో వరుస విజయాలను సొంతం చేసుకున్నారు హీరో నాని. ప్రస్తుతం ఆయన పాన్ ఇండియా చిత్రం ‘సరిపోదా శనివారం’లో నటిస్తున్నారు. వివేక్ ఆత్రేయ దర్శకత్వం వహిస్తున్న ఈ చిత్రాన్ని డీవీవీ దానయ్య, కల్యాణ్ దాసరి నిర్మిస్తున్నారు. ప్రస్తుతం హైదరాబాద్లో ైక్లెమాక్స్ చిత్రీకరణలో భాగంగా భారీ పోరాట ఘట్టాలను తెరకెక్కిస్తున్నారు. సినిమాలో ఈ ఎపిసోడ్ హైలైట్గా నిలుస్తుందని దర్శకుడు తెలిపారు. ‘ఈ సినిమాలో నాని పాత్ర పవర్ఫుల్గా ఉంటుంది. కోపాన్ని క్రమపద్ధతిలో వాడుకుంటూ శనివారాలను మాత్రమే ముహూర్తాలుగా ఎంచుకొని శత్రువులను వేటాడే వ్యక్తిగా ఆయన పాత్ర కొత్త పంథాలో సాగుతుంది. ఆగస్ట్ 29న ఈ సినిమాను విడుదల చేయబోతున్నాం’ అని చిత్ర బృందం పేర్కొంది. ప్రియాంక అరుళ్ మోహన్, ఎస్.జే.సూర్య తదితరులు నటిస్తున్న ఈ చిత్రానికి కెమెరా: మురళి.జి, సంగీతం: జేక్స్ బిజోయ్, రచన-దర్శకత్వం: వివేక్ ఆత్రేయ.