Naga Chaitanya | టాలీవుడ్ నటుడు నాగచైతన్య గత కొన్ని రోజులుగా సోషల్ మీడియాకు దూరంగా ఉంటున్నారు. అప్పుడప్పుడు తన సినిమా ప్రాజెక్టులకు సంబంధించిన సమాచారాన్ని మాత్రమే అభిమానులతో పంచుకుంటున్నారు. తాజాగా టాలీవుడ్ అగ్ర నటుడు, తన మేనమామ అయిన దగ్గుబాటి వెంకటేశ్ కుమార్తె అశ్రితతో కలిసి చైతూ సందడి చేశారు.
అశ్రిత విదేశాల్లో ఉంటుంది. ఇటీవల భారత్ వచ్చిన ఆమె చైతూకు చెందిన క్లౌడ్ కిచెన్ షోయుకు వచ్చింది. అక్కడ తయారు చేస్తున్న ఫుడ్, ఇతర వివరాలను చైతూను అడిగి తెలుసుకుంది. అశ్రిత ఓ ఫుడ్ వ్లాగర్. ‘ఇన్ఫినిటీప్లాటర్’ వేదికగా పలు రకాల వంటకాలను అందరికీ పరిచయం చేస్తుంటారు. ఈ నేపథ్యంలోనే క్లౌడ్ కిచెన్లో అశ్రిత ఓ డిష్ను తయారు చేసి తన బావకు రుచి చూపించింది. ఇందుకు సంబంధించిన వీడియో అశ్రిత సోషల్ మీడియా వేదికగా అభిమానులతో పంచుకుంది. ప్రస్తుతం ఈ వీడియో నెట్టింట వైరల్ అవుతోంది.