Mrunal Thakur | ‘సీతారామం’ చిత్రం ద్వారా తెలుగులో శుభారంభం చేసింది బాలీవుడ్ సొగసరి మృణాల్ ఠాకూర్. ప్రస్తుతం ఆమెకు తెలుగుతో పాటు హిందీలో కూడా మంచి అవకాశాలొస్తున్నాయి. నాని 30వ చిత్రంలో ఈ భామ కథానాయికగా ఎంపికైన విషయం తెలిసిందే. ఆమె నటించిన ఓ హిందీ చిత్రం త్వరలో ప్రేక్షకుల ముందుకురాబోతున్నది. ఈ సందర్భంగా అభిమానులతో ముచ్చటించిన మృణాల్ ఠాకూర్ ‘సీతారామం’ చిత్రం గురించి ఆసక్తికరమైన వ్యాఖ్యలు చేసింది.
ఈ సినిమా సీక్వెల్ కోసం ఎంతో ఆతృతగా ఎదురుచూస్తున్నానని పేర్కొంది. మృ ణాల్ ఠాకూర్ మాట్లాడుతూ “సీతారామం’ నా మనసుకు దగ్గరైన సినిమా. నా సినీ కెరీర్నే మలుపుతిప్పింది. ఒకవేళ సీక్వెల్ రూపొందిస్తే మరో అద్భుత చిత్రంగా మిగిలిపోతుంది’ అని చెప్పింది. ఈ సందర్భంగా ‘సీతారామం’ షూటింగ్ సందర్భంగా తీసుకున్న ఫొటోలను అభిమానులతో పంచుకుంది. ‘సీతారామం’ చిత్రానికి సీక్వెల్ తీసే ఆలోచన ఉన్నదని చిత్ర దర్శకుడు హను రాఘవపూడి గతంలోనే ప్రకటించారు.