Modern Masters : S.S RAjamouli | టాలీవుడ్ దిగ్గజ దర్శకుడు ఎస్.ఎస్ రాజమౌళిపై ప్రముఖ ఓటీటీ వేదిక నెట్ఫ్లిక్స్ డాక్యుమెంటరీ తీస్తున్నట్లు ప్రకటించిన విషయం తెలిసిందే. మాడర్న్ మాస్టర్స్ ఎస్.ఎస్ రాజమౌళి (Modern Masters: S.S. Rajamouli)పేరిటా ఈ డాక్యుమెంటరీ వస్తుండగా.. ఈ చిత్రాన్ని ఆగష్టు 02 నుంచి స్ట్రీమింగ్ చేయనున్నట్లు చిత్రబృందం ప్రకటించింది. అయితే స్ట్రీమింగ్ తేదీ దగ్గర పడుతుండటంతో తాజాగా ట్రైలర్ను విడుదల చేశారు.
మీకు ఒక అద్భుతమైన కథ చెబుతాను. సినిమాపై ప్రజలు పెట్టుబడి పెట్టాలని నేను కోరుకుంటున్నాను. అంటూ ట్రైలర్ మొదలవుతుంది. ఇక టాలీవుడ్ హీరోలు ఎన్టీఆర్, రామ్ చరణ్, ప్రభాస్తో పాటు హాలీవుడ్ దర్శకుడు జేమ్స్ కామెరున్ బాలీవడ్ నిర్మాత కరణ్ జోహర్ తదితరులు రాజమౌళి వర్క్ గురించి చెబుతూ ఈ ట్రైలర్ కట్ సాగింది. ముఖ్యంగా రాజమౌళి టేకింగ్ ట్రైలర్కే హైలైట్గా చెప్పుకోవచ్చు. సినిమా అంటే పిచ్చి ఉన్నావారికి ఈ డాక్యుమెంటరీ పండుగ అని చెప్పుకోవచ్చు. ఇక ఈ ట్రైలర్ను మీరు చూసేయండి.
ఎస్.ఎస్ రాజమౌళి గురించి ప్రత్యేక పరిచయం అవసరం లేదు. ఎన్టీఆర్ కథానాయకుడిగా వచ్చిన స్టూడెంట్ నం1 సినిమాతో మెగాఫోన్ పట్టిన ఇతను మొదటి మూవీతోనే సూపర్ హిట్ అందుకున్నాడు. ఈ చిత్రం అనంతరం ఎన్టీఆర్తోనే మళ్లీ సింహాద్రి అంటూ సినిమా తీసి ఇండస్ట్రీ హిట్ కొట్టాడు. ఆ తర్వాత సై, ఛత్రపతి, విక్రమార్కుడు, యమదొంగ, మగధీర, మర్యాద రామన్న, ఈగ సినిమాలతో బ్లాక్ బస్టర్లు అందుకున్నాడు. 2015లో వచ్చిన బాహుబలి సినిమాతో రాజమౌళి పేరు ప్రపంచవ్యాప్తంగా వినిపించింది. ఇక బాహుబలి 2 సినిమా అయితే ఏకంగా రూ.2000 కోట్ల వరకు వసూళ్లను సాధించింది. ఈ చిత్రం అనంతరం ఆర్ఆర్ఆర్ వంటూ వచ్చి బ్లాక్ బస్టర్ హిట్ అందుకోవడమే కాకుండా ఆస్కార్ సాధించిన తొలి తెలుగు చిత్రంగా రికార్డు సృష్టించారు.
Also Read..