MM Keeravani | అవార్డు అనేది ఆ సమయంలో పోటీపడ్డ సినిమాల నాణ్యతను బట్టి ఉంటుంది తప్ప, గొప్ప తనానికి అదేం ప్రామాణికం కాదు. మహాదర్శకుడు స్వర్గీయ కె.బాలచందర్ అన్నమాట ఇది. ఇటీవల ఓ ఇంటర్వ్యూలో సంగీత దర్శకుడు ఎం.ఎం.కీరవాణి స్పందన ఆ మాటకు తగ్గట్టుగా ఉందని చెప్పాలి. ఆయన సంగీత దర్శకత్వం వహించిన హిందీ సినిమా ‘ఔర్ మే కహా దమ్ థా’ త్వరలో విడుదల కానుంది. ఈ సందర్బంగా జాతీయ మీడియాకు ఆయన ఇంటర్వ్యూ ఇచ్చారు.
ఈ సందర్భంగా ఓ విలేకరి ఆస్కార్ అవార్డు గురించి ప్రస్తావిస్తూ.. ‘ప్రపంచవ్యాప్త గుర్తింపు ఆలస్యంగా దక్కిందని భావిస్తున్నారా? అని ప్రశ్నించగా, కీరవాణి స్పందించారు. ‘గుర్తింపు రావాలని రాసుంటే ఎక్కడినుంచైనా, ఎలాగైనా వచ్చేస్తుంది. అది త్వరగా వచ్చిందా, ఆలస్యంగా వచ్చిందా.. అనే విషయాన్ని పక్కనపెడితే.. నేను అత్యుత్తమ ప్రదర్శన ఇవ్వని పాటకు గొప్ప గుర్తింపు వచ్చింది.
అందుకే ఆస్కార్ తీసుకున్నా పెద్ద ఎైగ్టెట్మెంట్ ఫీలవ్వలేదు’ అని తన మనసుని ఆవిష్కరించారు కీరవాణి. నిజానిక్కూడా ‘నాటు నాటు’ పాటకంటే ఎన్నో గొప్ప పాటలు ఆయన నుంచి వచ్చాయి. కేవలం కీరవాణి పాటల వల్లే ఆడిన సినిమాలు కూడా చాలా ఉన్నాయి. నిజాన్ని నిర్మొహమాటంగా ఆవిష్కరించిన ఈ సంగీత సరస్వతిపై ప్రశంసల జల్లు కురుస్తున్నది.