ఓటీటీలో సూపర్ క్రేజ్ తెచ్చుకున్న సిరీస్లలో మీర్జాపూర్ ఒకటి. పంకజ్ త్రిపాఠి, అలీ ఫజల్, షెర్నావాజ్ సామ్ జిజినా తదితరులు నటించిన ఈ సిరీస్ మూడో భాగం స్ట్రీమింగ్ ఇటీవలే అమెజాన్ ప్రైమ్లో మొదలైంది. ప్రస్తుతం టాప్ 5లో ట్రెండింగ్ అవుతున్నది. కాగా, గత రెండు సీజన్లతో పోలిస్తే మూడో సీజన్ను భిన్నంగా తెరకెక్కించాడు దర్శకుడు.
ఈ సిరీస్లో ముఖ్యపాత్ర పోషించిన షెర్నావాజ్ సామ్ జిజినా ఒక ఇంటర్వ్యూలో మాట్లాడుతూ.. ‘మీర్జాపూర్ మూడో సీజన్కు మంచి రెస్పాన్స్ వచ్చింది. నాలుగో సీజన్ కూడా ఉంటుంది. దానికి సంబంధించిన స్క్రిప్ట్ వర్క్ జరుగుతున్నది. ఈ మూడు భాగాల కంటే మెరుగైన, ఆసక్తికరమైన స్క్రిప్ట్ తయారు చేస్తున్నారని అనుకుంటున్నాను. ప్రేక్షకులను అలరించే మరిన్ని అంశాలు నాలుగో భాగంలో ఉంటాయని ఆశిస్తున్నాను. అన్ని సీజన్లలోనూ హింస ఉండకూడదు. అందుకే బలమైన రాజకీయ కోణంతో మూడో సీజన్ తెరకెక్కింది’ అని చెప్పుకొచ్చింది షెర్నావాజ్.