Manorathangal | మలయాళ సాహితీ దిగ్గజం వాసుదేవన్ నాయర్ 90వ పుట్టిన రోజుని పురస్కరించుకొని ఆయన రాసిన తొమ్మిది కథలతో రూపొందించినవ వెబ్సిరీస్ ‘మనోరథంగల్’. 9మంది అగ్ర హీరోలు, 8మంది లెజెండరీ దర్శకులతో ఈ వెబ్ సిరీస్ రాబోతున్నది. ఆగస్ట్ 15న ప్రీమియర్ను ప్రదర్శించబోతున్నారు. మంగళవారం ట్రైలర్ను విడుదల చేశారు. మలయాళం, తెలుగు, తమిళం, కన్నడ, హిందీ భాషల్లో స్ట్రీమింగ్కానుంది.
ఈ సిరీస్లో మమ్ముట్టి, మోహన్లాల్, ఫహద్ ఫాజిల్, జరీనా, బిజు మీనన్, కైలాష్, ఇంద్రన్స్, నేడుముడి వేణు వంటి అగ్ర నటులు భాగమయ్యారు. అగ్ర నటుడు కమల్హాసన్ ఈ కథల్ని ప్రేక్షకులకు పరిచయం చేసే నేరేటర్గా ఈ సిరీస్లో కనిపించనున్నారు. ప్రియదర్శన్, రంజిత్, శ్యామ్ప్రసాద్, జయరాజన్ నాయర్, సంతోష్శివన్, రతీష్ అంబట్, అశ్వతి నాయర్ దర్శకత్వం వహించారు.
సాహితీ దిగ్గజం వాసుదేవన్ నాయర్పై గౌరవంతో ఈ సిరీస్ను రూపొందించామని మేకర్స్ తెలిపారు. ఈ సిరీస్లో రెండు కథలకు దర్శకత్వం వహించానని, వాసుదేవన్ నాయర్ కథలను డైరెక్ట్ చేయాలన్న తన డ్రీమ్ ఈ సినిమాతో తీరిందని ప్రియదర్శన్ తెలిపారు. తన అభిమాన రచయిత రాసిన కథలో నటించడం ఆనందంగా ఉందని మమ్ముట్టి తెలిపారు.