Thangalaan | కోలీవుడ్ స్టార్ హీరో చియాన్ విక్రమ్ (Chiyaan Vikram) కాంపౌండ్ నుంచి రాబోతున్న సినిమాల్లో ఒకటి తంగలాన్ (Thangalaan). పా రంజిత్ దర్శకత్వంలో హిస్టారికల్ డ్రామా నేపథ్యంలో వస్తోన్న ఈ మూవీలో మలబార్ సోయగం మాళవికా మోహనన్, పార్వతి తిరువొత్తు ఫీ మేల్ లీడ్ రోల్స్ పోషిస్తున్నారు. విక్రమ్ అభిమానులు ఎప్పుడెప్పుడా అని ఎదురుచూస్తున్న ట్రైలర్ అప్డేట్ రానే వచ్చింది.
తంగలాన్ ట్రైలర్ రేపు లాంచ్ కాబోతుందని తెలియజేసింది మాళవికా మోహనన్. ఈ లుక్ నెట్టింట వైరల్ అవుతోంది. ఇప్పటికే లాంఛ్ చేసిన తంగలాన్ గ్లింప్స్తో ఈ సినిమా బంగారం, రక్తం, కన్నీటి చుట్టూ సాగే కథగా అడ్వెంచరస్ స్టోరీ నేపథ్యంలో ఉండనుందని క్లారిటీ ఇచ్చేశాడు డైరెక్టర్. తంగలాన్ నుంచి రిలీజ్ చేసిన విక్రమ్, మాళవికా మోహనన్ ఫస్ట్ లుక్ పోస్టర్లు సినిమాపై క్యూరియాసిటీ అమాంతం పెంచేస్తున్నాయి. కోలార్ గోల్డ్ ఫీల్డ్స్ (కేజీఎఫ్)లో జరిగిన వాస్తవ సంఘటనల ఆధారంగా వస్తోన్న ఈ చిత్రంలో పశుపతి, డానియెల్ కల్టగిరోన్ కీలక పాత్రలు పోషిస్తున్నారు.
విక్రమ్ కెరీర్లోనే తంగలాన్ ల్యాండ్ మార్క్ సినిమాగా నిలువనుందని ఇప్పటివరకు రిలీజ్ చేసిన రషెస్ చెప్పకనే చెబుతున్నాయి. ఇక ఈ సినిమాలో విక్రమ్ తన పాత్రకు న్యాయం చేసేందుకు ఎంత ప్రాణం పెట్టాడో తెలియజేస్తూ.. రిలీజ్ చేసిన వీడియో నెట్టింట వైరల్ అవుతోంది. ఈ చిత్రాన్ని స్టూడియో గ్రీన్, నీలమ్ ప్రొడక్షన్స్ బ్యానర్లపై కేఈ జ్ఞానవేళ్ రాజా తెరకెక్కిస్తుండగా.. జీవీ ప్రకాశ్ కుమార్ సంగీతం అందిస్తున్నాడు.
Tomorrow :)🐆🔥❤️🔥#thangalaan pic.twitter.com/EUx1O3Q6we
— Malavika Mohanan (@MalavikaM_) July 9, 2024