SSMB 29 | మహేశ్బాబు, రాజమౌళి సినిమాకు సంబంధించిన అధికార ప్రకటన కోసం ఆడియన్స్ ఆతృతగా ఎదురుచూస్తున్నారు. ఆగస్ట్ 9న మహేశ్బాబు పుట్టినరోజు సందర్భంగా ఈ సినిమాకు సంబంధించిన తొలి ప్రెస్మీట్ను మేకర్స్ నిర్వహించనున్నారట. ఆ రోజునే మూవీ కాన్సెప్ట్ వీడియోను కూడా విడుదల చేయనున్నట్టు గతంలో వార్తలొచ్చాయి. ఇప్పుడు ఈ సినిమాకు చెందిన మరో తాజా వార్త ఫిల్మ్ సర్కిల్స్లో బలంగా వినిపిస్తున్నది.
ఈ సినిమాను రాజమౌళి మూడు భాగాలుగా తీయనున్నారట. తొలి భాగంలో మహేశ్ కథానాయకుడు కాగా, మిగతా రెండు భాగాల్లో మహేశ్తోపాటు మరో ఇద్దరు స్టార్ హీరోలు కూడా యాడ్ అవుతారట. ఇందులో నిజానిజాలు తెలియాల్సివుంది. ఇదిలావుంటే.. ఈ సినిమా మ్యూజిక్ సిట్టింగ్స్ నెక్ట్స్ మంత్ మొదలుకానున్నాయి.
మరోవైపు మిగతా నటీనటుల ఎంపిక కోసం టెస్ట్ షూట్ కూడా జరుగుతున్నది. ఇంకోవైపు మహేశ్బాబుకు సంబంధించిన టెస్ట్ షూట్ కూడా కానిచ్చేస్తున్నారట. సెప్టెంబర్ నుంచి ఈ సినిమా రెగ్యులర్ షూటింగ్ మొదలుకానున్నదని, ఇందులో భాగంగానే హైదరాబాద్లోని అల్యూమినియం ఫ్యాక్టరీలో భారీ సెట్ల నిర్మాణం కూడా జరుగుతున్నదని తెలుస్తున్నది.