SSMB 29 | రాజమౌళి దర్శకత్వంలో మహేష్బాబు కథానాయకుడిగా ఆఫ్రికన్ జంగిల్ అడ్వెంచర్ నేపథ్యంలో పాన్ వరల్డ్ చిత్రం తెరకెక్కబోతున్న విషయం తెలిసిందే. ‘ఆర్ఆర్ఆర్’ తర్వాత రాజమౌళి రూపొందిస్తున్న చిత్రమిదే కావడంతో దేశవ్యాప్తంగా అభిమానులు ఈ సినిమా అనౌన్స్మెంట్ కోసం ఆసక్తిగా ఎదురుచూస్తున్నారు. మహేష్బాబు నటిస్తున్న 29వ చిత్రమిది.
ఈ సినిమా కోసం మహేష్బాబు వర్క్షాప్స్లో పాలుపంచుకుంటూ తన పాత్రకోసం సన్నద్ధమవుతున్నారు. ‘ది ఇండియానా జోన్స్’ తరహాలో సాగే అడ్వెంచరస్ థ్రిల్లర్ కథాంశమిదని సమాచారం. ఈ నెలాఖరులో ఈ సినిమాను అధికారికంగా ప్రకటించి, జూన్ లేదా జూలైలో షూటింగ్ మొదలుపెడతారని వార్తలొస్తున్నాయి. తాజా సమాచారం ప్రకారం ఈ సినిమా సెట్స్మీదకు వెళ్లడం కాస్త ఆలస్యం కానుందని తెలుస్తోంది. తొలుత లాంఛనంగా ప్రారంభోత్సవం జరిపి..సెప్టెంబర్లో రెగ్యులర్ షూట్ను మొదలుపెట్టనున్నారని సమాచారం. కె.ఎల్.నారాయణ ఈ చిత్రానికి నిర్మాత.