Game Changer | టాలీవుడ్ సినీ జనాలతోపాటు వరల్డ్వైడ్గా ఉన్న తెలుగు సినీ ప్రేక్షకులు ఎప్పుడెప్పుడా అని ఎదురుచూస్తున్న సినిమాల్లో ఒకటి గేమ్ఛేంజర్ (Game changer). రాంచరణ్ (Ram Charan) టైటిల్ రోల్లో నటిస్తున్న ఈ చిత్రానికి స్టార్ డైరెక్టర్ శంకర్ (Shankar) దర్శకత్వం వహిస్తున్నాడు. పొలిటికల్ థ్రిల్లర్ జోనర్లో వస్తోన్న ఈ మూవీలో బాలీవుడ్ భామ కియారా అద్వానీ ఫీమేల్ లీడ్ రోల్ పోషిస్తోంది. ఇప్పటికే ఈ మూవీ నుంచి జరగండి జరగండి పాటను విడుదల చేయగా నెట్టింట చక్కర్లు కొడుతూ మ్యూజిక్ లవర్స్ను ఇంప్రెస్ చేస్తోంది.
తాజాగా ఈ సినిమాలో క్రేజీ పాట గురించి అప్డేట్ అందించి మూవీ లవర్స్ను ఖుషీ చేస్తున్నాడు మ్యూజిక్ డైరెక్టర్ ఎస్ థమన్. ఇందులో కాసర్ల శ్యామ్ ఓ పాటను రాశారు. శంకర్ డైరెక్టర్ చేసిన ఒకేఒక్కడు సినిమాలో నెల్లూరి నెరజానా పాట ఏ స్థాయిలో హిట్టయ్యిందో ప్రత్యేకించి చెప్పనవసరం లేదు. గేమ్ ఛేంజర్ సినిమాకు హైలెట్గా నిలిచిపోయేలా ఇలాంటి పాటే ఉండబోతుందని ఓ చిట్చాట్లో చెప్పారు కాసర్ల శ్యామ్. ఈ వీడియోను ట్యాగ్ చేస్తూ.. ఈ పాట గేమ్ ఛేంజర్ లవ్.. అంటూ ట్వీట్ చేసి సినిమాపై సూపర్ హైప్ క్రియేట్ చేస్తున్నాడు థమన్.
థమన్ చెప్పిన సాంగ్ ఫ్లాష్ బ్యాక్లో అంజలి, రాంచరణ్పై ఉండబోతుందట. మరి ఇదే నిజమైతే అభిమానులకు మాత్రం పండగే అని చెప్పాలి. ఈ చిత్రంలో సునీల్, నవీన్ చంద్ర, శ్రీకాంత్, బాలీవుడ్ నటుడు హ్యారీ జోష్, కోలీవుడ్ యాక్లర్లు ఎస్జే సూర్య, సముద్రఖని, కన్నడ నటుడు జయరాయ్ ఇతర కీలక పాత్రలు పోషిస్తున్నారు.
ఇందులో రాంచరణ్ కథానుగుణంగా తండ్రీ కొడుకులుగా కనిపించబోతున్నాడని తెలుస్తోండగా.. తండ్రి పాత్రకు జోడీగా అంజలి కనిపించనుంది. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్పై దిల్ రాజు తెరకెక్కిస్తుండగా.. పాపులర్ డైరెక్టర్ కార్తీక్ సుబ్బరాజు కథనందిస్తున్నాడు. సాయిమాధవ్ బుర్రా డైలాగ్స్ అందిస్తున్నారు.
This song ❤️🩵🥹 !! #GameChanger https://t.co/VWFxy7pvnA
— thaman S (@MusicThaman) July 25, 2024
Vijay Deverakonda | విజయ్ దేవరకొండ VD12లో బుట్టబొమ్మ బ్యూటీ.. ఇంతకీ పాత్ర ఏంటో మరి
Pushpa 2 The Rule | అల్లు అర్జున్ పుష్ప ది రూల్ మళ్లీ వాయిదా..? ఏంటీ కారణమిదేనా.. !
Varun Dhavan | ఆగస్టు 1వ తేదీ ఫిక్స్.. వరుణ్ ధవన్ టీం సిటడెల్ గురించి ఏం చెప్పబోతుందో మరి..!