ఇటీవల ఓ ఆంగ్ల పత్రికకు ఇచ్చిన ఇంటర్వ్యూలో తనకు కాబోయే భర్తకు ఉండవలసిన గుణగణాల గురించి ఆసక్తికరంగా మాట్లాడింది అందాలభామ కృతిసనన్. ‘నాకు కాబోయే భర్త అన్ని విషయాల్లోనూ నాకు సరితూగేలా ఉండాలని నేను కోరుకోను. తనకు మంచి మనసు ఉంటే చాలు. నిజాయితీగా ఉండాలి. చక్కటి సెన్సాఫ్హ్యూమర్ కలిగిన వాడైవుండాలి. నన్ను నవ్వించాలి.. నన్ను, నా పనిని గౌరవించాలి.
నాతో ఎక్కువ సమయం గడపాలి. అన్నింటికంటే ముఖ్యంగా నన్ను బాగా చూసుకోవాలి. ఇవన్నీ జరగాలంటే దైవం కరుణించాలి. కానీ దేవుడు అన్నీ ఇవ్వడు. అందుకే ఎక్కువగా ఆశిస్తే ఒత్తిడి పెరుగుతుంది. ఏం జరిగినా.. ఏలాంటి వాడొచ్చినా ఫేస్ చేయడానికి సిద్ధంగా ఉండాలి.’ అంటూ చెప్పుకొచ్చింది కృతి సనన్. ప్రస్తుతం ఈ ముద్దుగుమ్మ నిర్మాతగా మారింది. ‘దో పత్తీ’ అనే సినిమా నిర్మాణపనుల్లో బిజీగా ఉంది.