Krithi Shetty | ‘ఉప్పెన’తో ఉవ్వెత్తున ఎగసిపడే కెరటంలా టాలీవుడ్లోకి దూసుకొచ్చిన కృతిశెట్టి.. ఇప్పుడు కోలీవుడ్లో బిజీబిజీగా ఉంది. అక్కడ ఏకంగా మూడు సినిమాల్లో నటిస్తున్నది ఈ బెంగళూరుభామ. కార్తీకి జోడీగా ‘వా వాతియారే’లో నటిస్తున్న ఈ ముద్దుగుమ్మ.. ‘లవ్ ఇన్సూరెన్స్ కార్పొరేషన్'(ఎల్ఐసీ)లో ప్రదీప్ రంగనాథన్తో జతకడుతున్నది. వీటితోపాటు ‘జెనీ’లో జయం రవికి జంటగా నటిస్తున్నది.
ఈ మూడు సినిమాలూ వచ్చే ఏడాది విడుదల కానున్నాయి. ఇక తెలుగులో ఓ సినిమా, మలయాళంలో ఓ సినిమా చేస్తూ.. మొత్తానికి సౌత్లోని దాదాపు అన్ని భాషలను కవర్ చేస్తున్నది కృతిశెట్టి. తమిళ సినిమాపై ఎక్కువ దృష్టిపెట్టడానికి గల కారణం పై ఓ ఇంటర్వ్యూలో అడిగిన ప్రశ్నకు ఆసక్తికరంగా సమాధానం ఇచ్చింది కృతిశెట్టి. ‘పర్టిక్యులర్గా తమిళ సినిమాపైనే దృష్టి పెట్టాను అనడం తప్పు. కథలు వినే క్రమంలో నచ్చిన కథలకు సైన్ చేస్తున్నాను. నేను నటిని. నటనకు భాషలతో పనేముంది? నేను కన్నడ అమ్మాయిని. తెలుగులో బ్రేక్ వచ్చింది. ఒకే భాషలో చేస్తానని మడికట్టుకొని కూర్చుంటే ఇదంతా జరిగేదా? కేరక్టర్ల గురించి తెలుసుకోవడం.. నచ్చిన పాత్రలను భాషలతో నిమిత్తం లేకుండా చేసుకుంటూపోవడం ఇదే నా పని’ అంటూ చెప్పుకొచ్చింది కృతి శెట్టి.