Super Star Krishna | సూపర్ స్టార్ కృష్ణ మృతితో టాలీవుడ్ ఇండస్ట్రీలో విషాద చాయలు అలుముకున్నాయి. ఆదివారం అర్ధరాత్రి గుండెపోటుతో హైదరాబాద్లోని కాంటినెంటల్ హస్పిటల్లో చేరిన ఆయన.. చికిత్స పొందుతూ మంగళవారం తెల్లవారుజామున కన్నుమూశాడు. కృష్ణ మృతితో ఘట్టమనేని ఫ్యామిలీ శోకసంద్రంలో మునిగిపోయింది. ఈయన మరణం పట్ల సినీ సెలబ్రెటీలు తీవ్ర దిగ్భ్రాంతి వ్యక్తం చేస్తున్నారు. ఆయన ఆత్మకు శాంతి చేకూరాలంటూ సోషల్ మీడియా వేదికగా నివాళులు అర్పిస్తున్నారు.
ఇక కృష్ణ మృతి పట్ల నిర్మాతల మండలి సంతాపం ప్రకటించింది. సంతాప సూచకంగా గురువారం షూటింగ్లకు సెలవు ప్రకటించింది. ఇక ఈయన మృతికి పశ్చిమ గోదావరి జిల్లా వాసులు ఘన నివాళి అర్పించారు. కృష్ణ అకాల మృతికి సంతాపంగా పశ్చిమ గోదావరి జిల్లా వ్యాప్తంగా థియేటర్లో ఉదయం ఆటలను రద్దు చేసినట్లు జిల్లా డిస్ట్రిబ్యూటర్లు, ఎగ్జిబ్యూటర్లు తెలిపారు.